Sólveig Anna Jónsdóttir, formaður Eflingar, segir í færslu á Facebook að hún hafi þegið boð frá Mörtu Maríu Winkel um að koma í Smartlandið fyrir jólin og fá þar snyrtimeðferð og förðun.

Sólveig Anna segir að hún hafi hugsað sig aðeins um áður en hún samþykkti, enda hefði móðir hennar oft reynt að fá hana í „litun og plokkun“ án mikils árangurs. Að lokum hafi hún þó ákveðið að segja já, meðal annars vegna þess að hún vissi að vinkonur hennar myndu hafa gaman af og að móðir hennar hefði orðið ánægð.

„Ég er mjög ánægð með að hafa sagt já,“ skrifar hún og lýsir deginum sem mjög skemmtilegum. Vel hafi verið tekið á móti henni og mikið hafi verið „grínað og hlegið“. Hún hrósar förðuninni sérstaklega og segist ólíkleg til að ná að endurtaka hana sjálf á gamlársdag, „en sjáum til,“ bætir hún við með broskalli.

Sólveig Anna þakkar fyrir sig í lok færslunnar og sendir kveðju: „Sjáumst eldhress á nýju ári!“