
Um Mannlíf
Frá 1984 til 2025.
Tímaritið Mannlíf var fyrst gefið út árið 1984 sem tímarit almenns eðlis. Mannlíf hefur verið gefið út í fjölbreyttri mynd.
„Það var ekki hægt að velja víðtækara nafn á blaðið, enda á hér allt að vera komið í einu og sama tímaritinu,“ sagði Herdís Þorgeirsdóttir, fyrsti ritstjóri Mannlífs.
Fyrsti hönnuður Mannlífs var myndlistarmaðurinn Jón Óskar. Björgvin Ólafsson myndlistarmaður hannaði lógó Mannlífs sem notað var árin 1987–1998 og var endurteiknað í nýrri hönnun Jóns Inga Stefánssonar á vef Mannlífs í mars 2025.

Herdís Þorgeirsdóttir lét af störfum sem ritstjóri í 1986. Árni Þórarinsson var í kjölfarið ráðinn ritstjóri og gegndi starfinu þar til í desember 1987, þegar Svanhildur Konráðsdóttir varð ritstjóri. Árni var svo aftur ritstjóri árin 1990 til 1994, þegar Kristján Þorvaldsson og Bjarni Brynjólfsson tóku við ritstjórninni.
Gerður Kristný var ritstjóri Mannlífs frá 1998 til 2004, þegar Reynir Traustason var ráðinn ritstjóri. Árið 2008 var Mannlífi breytt í fréttatímarit og var ritstjóri Sigurjón M. Egilsson.
Árin á eftir gekk Mannlíf í gegnum miklar breytingar og var m.a. gefið út sem karlatímarit árin 2010-2014. Árið 2017 hófst svo nýr kafli í sögu Mannlífs þegar blaðið var gefið út á dagblaðapappír og síðan sem vikulegt fréttablað árið eftir í útgáfustjórn Roalds Viðars Eyvindssonar.
Árið 2020 sneri Reynir Traustason aftur í ritstjórastól Mannlífs, í fjórða sinn, og var miðillinn gefinn út sem beittur fréttavefur, samhliða tímariti í frídreifingu. Reynir lét af störfum í febrúar 2025.
Starfsfólk
-
Brynjar Birgisson
Blaðamaður
-
Björgvin Gunnarsson
Blaðamaður
-
Jón Trausti Reynisson
Ritstjóri og framkvæmdastjóri









