Guðmundur Ingi Þóroddsson, formaður Afstöðu, félags fanga, er oddviti Fólks fólksins í Reykjavík. Í viðtali við Mannlíf ræðir hann áherslumál sín og flokksins varðandi húsnæðismál, málefni eldri borgara og þeirra sem minna mega sín í samfélaginu, til að mynda þeirra sem lokið hafa afplánun. Þá vill Flokkur fólksins taka áherslur borgarlínu í samgöngusáttmála sveitarfélaga við ríkið til endurskoðunar. Guðmundur Ingi fer einnig yfir eigin reynslu af því að sitja inni en hann segir erfiða fortíð hluta af styrkleikum hans í dag. Hann vill hjálpa öðrum og reyna þannig að bæta fyrir það sem hann gerði áður.
Heiðrún Emilía Jónsdóttir, framkvæmdastjóri Samtaka fyrirtækja í fjármálaþjónustu, kemur fram í viðtalaröð Mannlífs við stjórnendur. Hún er lögmaður með fjölbreytta reynslu og hefur verið framkvæmdastjóri hjá KEA, Símanum og Eimskip á miklum umrótatímum. Heiðrún leggur áherslu á að vera hreinskiptin í samskiptum og að treysta samstarfsmönnum í þeim verkefnum sem þeir bera ábyrgð á. Hún hefur gengið í gegnum ýmis áföll í einkalífinu og útilokar ekki að það að missa nær alla sjón á öðru auga tengist áföllum og álagi þeim tengdum.
