Ragnar Þór Ingólfsson, félags- og húsnæðismálaráðherra, veitti í dag styrki til félagasamtaka sem starfa á málefnasviði félags- og húsnæðismálaráðuneytisins en greint er frá þessu í tilkynningu frá stjórnvöldum.

Veittir voru samtals 20 styrkir til reksturs og fjölbreyttra verkefna.

„Sú þjónusta og sá stuðningur sem veittur er innan frjálsra félagasamtaka skiptir samfélagið verulegu máli og er afar mikilvæg viðbót við velferðarkerfið okkar,“ sagði Ragnar Þór þegar hann ávarpaði styrkþega.

Meðal þeirra sem fengu styrk er Blindrafélagið, Afstaða, Tabú - feminísk fötlunarhreyfing, Landssamtökin Þroskahjálp og ADHD samtökin.

Hægt er að skoða alla styrkþega hér.