Héraðsdómur Reykjaness dæmdi í vikunni karlmann í 30 daga skilorðsbundið fangelsi fyrir að áreita samstarfskonu sína kynferðislega á skemmtistað í Reykjavík. Honum var gert að greiða konunni 500 þúsund krónur í miskabætur auk vaxta og tæpar 2,8 milljónir króna í sakarkostnað.
Atvikið varð 11. febrúar 2022 þegar hópur starfsmanna. Maðurinn og konan þekktust ekki þótt þau störfuðu hjá sama félagi.
Dómurinn taldi sannað að maðurinn hefði sest klofvega yfir konuna, haldið í hönd hennar, látið falla kynferðisleg og ógnandi ummæli og reynt að kyssa hana. Hann kom aftur skömmu síðar og strauk henni um lærið utan klæða. Vitni sagði hann hafa haldið áfram þótt konan bæði hann að hætta.
Maðurinn neitaði sök og sagðist ekkert muna eftir atvikinu vegna ölvunar. Hann þekkti sig þó á upptöku úr öryggismyndavél þar sem sást þegar hann settist klofvega yfir konuna. Dómurinn taldi framburð hennar trúverðugan og studdan af vitnum.
Konan kærði bæði ákvörðun lögreglu um að hætta rannsókn og ákvörðun héraðssaksóknara um að fella málið niður. Ríkissaksóknari sneri báðum ákvörðunum við. Við ákvörðun refsingar tók dómurinn mið af óhóflegum drætti á málinu og hreinum sakaferli mannsins.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.































Athugasemdir