Tónlistarmaðurinn Patrik Snær Atlason, betur þekktur sem Prettyboitjokkó, hefur ásamt fjölskyldu sinni stofnað nýtt einkahlutafélag sem ber heitið E27 ehf.
Samkvæmt tilkynningu í hlutafélagaskrá eru stofnendur félagsins fimm talsins. Auk Patriks standa að stofnuninni systkini hans, knattspyrnukonan Nadía Atladóttir og Ísak Atli Atlason, ásamt foreldrum þeirra, Ingunni Helgadóttur og Atla Stefáni Einarssyni, fyrrverandi landsliðsmanni í knattspyrnu.
Tilgangur félagsins er eignarhald og útleiga fasteigna, rekstur fasteigna, lánastarfsemi og önnur skyld starfsemi.
Ingunn Helgadóttir gegnir stöðu stjórnarformanns en Patrik og Atli Stefán sitja einnig í stjórn félagsins.
Atli Stefán fer jafnframt með framkvæmdastjórn félagsins og hefur prókúruumboð fyrir þess hönd.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.



























Athugasemdir