Inga Sæland
„Hrein og klár mannvonska og borgarstjórn til ævarandi skammar“
Inga Sæland
Innlent

Gréta María fer í mál við Samkaup

Innlent

Barna­nauð­gari gjald­þrota

Innlent

Aðskota­efni í kexi

Heimur

Orðrómur um staf­rænan heimsendi 17. nóv­em­ber vekur ótta

Innlent

Kven­fanga synjað um náðun þrátt fyrir alvar­leg veik­indi

Pólitík

Sig­mundur sak­aði rík­is­stjórn­ina um „dára­skap“ og Kristrún svar­aði fullum hálsi

Heimur

Svif­vængja­flug­maður lést í hörmu­legu slysi

Peningar

Lands­liðs­konur í ný störf

Fólk

Glæsi­hýsi til sölu þar sem sláttu­vélin þarf að kom­ast upp á þak

Innlent

Átti að mæta á lög­reglu­stöð áður en dag­ur­inn var lið­inn

„Guðjón var með ótrúlega áru og persónutöfra“

Davíð Már Krist­ins­son minn­ist vin­áttu sinnar við knatt­spyrnu­þjálf­ar­ann Guðjón Þórð­ar­son og þakkar honum fyrir sam­veru­stund­irnar.

Félagarnir
Félag­arnir Frá vinstri: Davíð Már, Guðjón og Stefán

Davíð Már Krist­ins­son, hand­bolta­þjálf­ari og álits­gjafi í Hand­kast­inu, minn­ist vinar síns Guðjóns Þórð­ar­sonar knatt­spyrnu­þjálf­ara, sem lést á dög­unum, í ein­lægri færslu á Facebook.

Þar rifjar Davíð Már upp ára­langa vin­áttu þeirra, ferða­lög, löng sím­töl og ótal sam­ræður þar sem farið var yfir málin frá öllum hliðum. Hann segir Guðjón hafa verið ein­stakan mann sem hafi haft mikil áhrif á sig.

Vináttan hófst fyrir alvöru vorið 2011 þegar Davíð Már og æsku­vinur hans, Stefán Árnason, ákváðu að hafa sam­band við Guðjón til að hitta hann og ræða íþróttir, þjálfun og lífið.

Guðjón hafði þá tengsl við fjöl­skyldur þeirra beggja. Hann hafði þjálfað Halldór, bróður Davíðs Más, hjá KA á árunum 1988 til 1990 og starfað um tíma með föður hans hjá lög­regl­unni á Akureyri.

„Símtalið var gott, opin­skátt og skemmti­legt,“ rifjar Davíð upp.

Guðjón var þá nýtek­inn við BÍ/Bol­ung­ar­vík og bauð þeim félögum að koma vestur um sum­arið. Þeir þáðu boðið og eyddu helgi í Bol­ung­ar­vík, heim­sóttu Guðjón á heim­ili hans, kíktu á æfingu og fylgd­ust með leik.

„Ferðin vestur var frá­bær og eft­ir­minni­leg fyrir margra hluta sakir,“ segir Davíð.

Eftir heim­sókn­ina efldist vin­skap­ur­inn og sam­skiptin urðu reglu­leg. Þegar Guðjón tók við Grinda­vík árið 2012 heim­sóttu þeir hann nokkrum sinnum í kringum leiki og æfingar.

Þótt Guðjón væri næstu ár ekki við þjálfun héldu sím­tölin og hitt­ing­arnir áfram.

„Þar sem öll mál milli him­ins og jarðar voru krufin til mergjar,“ skrifar Davíð.

Sér­stak­lega minn­ist hann heim­sóknar þeirra til Færeyja þegar Guðjón þjálf­aði NSÍ Runavík.

„Heimsókn okkar til Færeyja þegar hann var þjálf­ari NSÍ Runavík var eft­ir­minni­leg og ógleym­an­leg. Guðjón fór á kostum hvort sem það var á æfinga­svæð­inu, í sam­skiptum við stjórn­ar­menn, heima hjá sér eða í bíl­ferð sem við fórum um Færeyjar.“

Davíð segir alltaf hafa verið jafn gott að heim­sækja Guðjón, hvort sem hann bjó í Graf­ar­vogi, Kópavogi, á Akranesi eða í Garðabæ.

Hann hafi ávallt talað tand­ur­hreina íslensku og hvergi slegið af í skoð­unum sínum. Þá hafi bransa­sög­urnar verið ógleym­an­legar.

„Sumar heyrði maður oftar en einu sinni og oftar en tvisvar. Frá­sagna­listin alltaf jafn góð,“ segir Davíð.

Hann lýsir Guðjóni sem manni með ein­staka nær­veru og hæfi­leika til að lesa í fólk og aðstæður.

„Guðjón var með ótrú­lega áru og per­sónu­töfra. Rosalega næmur á svo margt í fólki, umhverfi og aðstæðum. Og með ein­staka leið­toga- og stjórn­un­ar­hæfni. Svo ekki sé minnst á orð­heppn­ina og valdið á íslenskri tungu.“

Húmorinn enn til staðar á spítalanum

Undir það síð­asta, þegar Guðjón var orð­inn veikur, lagði Davíð Már áherslu á að heim­sækja vin sinn á Land­spít­al­ann. Hann náði að heim­sækja hann tvisvar.

Í annarri heim­sókn­inni sýndi Guðjón að húmor­inn var enn á sínum stað þrátt fyrir versn­andi heilsu.

„Davíð minn þú átt eftir að fá háls­ríg við að horfa á allar þessar fal­legu hjúkkur sem ganga hér um gang­ana,“ sagði Guðjón við hann.

Davíð segir að kvöldið áður en Guðjón lést hafi þeir rætt saman í síma. Spjallið hafi verið öðru­vísi en gott og honum hafi fund­ist hann skynja að þetta gæti orðið síð­asta sam­tal þeirra.

„Morg­un­inn eftir fæ ég þá harma­fregn að hann sé lát­inn,“ skrifar Davíð.

Í lok færsl­unnar kveður hann vin sinn með hlýjum orðum og þakkar honum fyrir vin­átt­una, sam­veru­stund­irnar, sím­tölin og allar umræð­urnar.

„Hvíldu í friði Gaui og takk fyrir allt. Takk fyrir vin­átt­una, alla hitt­ing­ina, öll sím­tölin, allar umræð­urnar þar sem mjög oft var svo sann­ar­lega farið á dýpt­ina.“

Að lokum sendir Davíð Már Ingu og öðrum aðstand­endum Guðjóns inni­legar sam­úð­ar­kveðjur.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Peningar

Prett­yboitjokkó stofnar fyr­ir­tæki með fyrrum lands­liðs­manni

Fyrirtækinu er ætlað að halda utan um fasteignir, útleigu og lánastarfsemi.
Fólk

Ragnar Bragason birti mynd­band af dul­ar­fullum ljósum yfir Sunda­höfn

Innlent

Ferðin til Írlands tók óvænta stefnu á Kefla­vík­ur­flug­velli

Fólk

Selja ein­býli með turn­stofu og verð­launa­garði

Minning

Minning

Guðjón Þórð­ar­son er fall­inn frá

Er einn þekktasti og sigursælasti þjálfari í sögu Íslands
Minning

Gunnar Þór­ar­ins­son fyrr­ver­andi bæj­ar­full­trúi lát­inn

Minning

Borgþór Vest­fjörð Kjærne­sted er fall­inn frá

Minning

„Og nú er hann flog­inn á braut í morg­un­birt­unni, dáinn, horf­inn, harma­fregn“

Minning

Mörður Árnason er fall­inn frá