Flugfreyja afhjúpar 15 hluti sem þú ættir aldrei að taka með í flug

Flug­freyjan Carin Ryan, sem hefur tíu ára reynslu í starfi, segir að ýmsir hlutir sem fólk tekur með sér í flug séu óþarf­lega fyr­ir­ferð­ar­miklir eða óhentugir. Í grein á ferða­vefnum Travel + Leisure nefnir hún 15 hluti sem ferða­langar ættu að forð­ast og leggur til betri val­kosti.

1. Þröng og þung föt

Ryan segir þæg­indi skipta höf­uð­máli í flugi. Hún mælir með mjúkum, víðum fatn­aði sem þrengir ekki að lík­am­anum, sér­stak­lega á löngum flug­leiðum.

2. Einnota drykkjarmál

Í stað einnota drykkj­ar­mála mælir hún með vönd­uðum ferða­bolla sem heldur kaff­inu heitu klukku­stundum saman og dregur úr hættu á að hella niður.

3. Fyrirferðarmiklir pökkunarpokar

Þjöpp­un­ar­pokar eru að hennar mati mun hent­ugri en hefð­bundnir pökk­un­ar­pokar. Þeir spara pláss og auð­velda ferða­löngum að halda skipu­lagi í tösk­unni.

4. Óhentugar ferðatöskur

Ryan kýs rúm­góðan bak­poka fremur en íþrótta­tösku. Þar geymir hún meðal ann­ars hleðslu­tæki, les­bretti og aðra nauð­synja­hluti sem gott er að hafa aðgengi­lega.

5. Þungir skór

Þung stíg­vél geta reynst óþægi­leg á flug­völlum. Hún mælir með léttum, þægi­legum skóm sem auð­velt er að fara í og úr.

6. Klístraður varagloss

Þurrt loft í flug­vélum getur valdið þurrki á vörum. Ryan tekur því alltaf með sér raka­gef­andi vara­maska í stað hefð­bund­ins varagloss.

7. Venjulegir sokkar

Flug­freyjan notar þrýsti­hlífar á fót­legg­ina til að auka þæg­indi eftir langa vinnu­daga. Hún segir þær sér­stak­lega gagn­legar þegar mikið er staðið.

8. Of margar hleðslusnúrur

Alhliða ferða­milli­stykki getur komið í stað margra mis­mun­andi milli­stykkja. Ryan segir slíkan búnað auð­velda hleðslu raf­tækja á ferða­lögum erlendis.

9. Matur í pappírspoka

Hún mælir með sterkum nest­is­boxum sem halda mat köldum klukku­stundum saman. Það kemur sér sér­stak­lega vel þegar flugi seinkar óvænt.

10. Þungar bækur

Í stað þess að fylla tösk­una af bókum notar Ryan spjald­tölvu. Þannig getur hún haft fjöl­margar bækur til­tækar án auk­innar þyngdar.

11. Einfalt spjaldtölvuhulstur

Hulstur með inn­byggðu lykla­borði er að hennar mati mun hent­ugra. Það ver spjald­tölv­una og auð­veldar skrif á ferða­lögum.

12. Fyrirferðarmikil sólgleraugu

Sam­fell­an­leg sól­gler­augu taka lítið pláss og eru auð­veld í geymslu. Ryan segir þau sér­stak­lega hentug fyrir fólk sem ferð­ast mikið.

13. Stórar axlartöskur

Lítil taska með ól yfir bring­una er að hennar mati þægi­legri. Þar má geyma síma, veski og aðra nauð­synja­hluti.

14. Heyrnartól með snúru

Ryan kýs þráð­laus heyrn­ar­tól sem gera henni kleift að hlusta á tón­list án þess að missa yfir­sýn yfir umhverfið.

15. Venjuleg armbandsúr

Að lokum mælir hún með snjallúrum sem fylgj­ast með svefni, hreyf­ingu og dag­legum venjum. Hún segir langa raf­hlöðu­end­ingu sér­stak­lega mik­il­væga.

Ryan telur að rétt val á ferða­bún­aði geti gert flug­ferðir þægi­legri, sparað pláss og dregið úr óþarfa fyr­ir­höfn.