Móðir á Íslandi í lagalegri sjálfheldu vegna föður sem enginn finnur

Kona sem flúði heima­land sínu ásamt dóttur sinni hefur höfðað for­sjár­mál fyrir Hér­aðs­dómi Reykja­ness. Konan krefst þess að henni verði falin full for­sjá dótt­ur­innar þar sem ekki hefur tek­ist að hafa uppi á föður stúlkunnar.

Fram kemur í stefnu sem birt­ist í Lög­birt­inga­blað­inu í dag að mæðgurnar hafi komið til Íslands 31. mars 2023. Móðirin hafði áður verið skráð ein­stæð í heima­landi sínu og gat því tekið allar ákvarð­anir varð­andi dóttur sína. Sú skrán­ing hefur hins vegar ekki verið við­ur­kennd sem full for­sjá sam­kvæmt íslenskum lögum.

Af þeim sökum hefur móð­irin hvorki getað sótt um vega­bréf né raf­ræn skil­ríki fyrir dóttur sína. Þetta hefur meðal ann­ars skapað erf­ið­leika við aðgang að opin­berri þjón­ustu.

Samkvæmt stefn­unni bjuggu for­eldrar stúlkunnar aldrei saman. Faðirinn hafi aðeins hitt dóttur sína einu sinni til tvisvar á ári fram til árs­ins 2020 og engin sam­skipti hafi verið síðan.

Ítrek­aðar til­raunir til að finna föð­ur­inn hafa reynst árang­urs­lausar. Stjórn­völd í heima­landi kon­unnar gátu ekki veitt upp­lýs­ingar um dval­ar­stað hans, meðal ann­ars vegna per­sónu­vernd­ar­sjón­ar­miða.

Móðirin krefst jafn­framt bráða­birgða­for­sjár meðan málið er til með­ferðar og að fað­ir­inn greiði með­lag þar til stúlkan verður 18 ára.

Í stefn­unni er lögð áhersla á að móð­irin hafi ein ann­ast upp­eldi dótt­ur­innar frá fæð­ingu og að full for­sjá sé nauð­syn­leg til að tryggja rétt­indi hennar og stöð­ug­leika.