Sextán ára stúlka í Reykjavík tók eigin nauðgun upp á síma

Marinel Stingaciu hefur verið dæmdur í tveggja ára fang­elsi í Hér­aðs­dómi Reykja­víkur fyrir að nauðga 16 ára stúlku í bif­reið sinni skammt frá Reykja­hlíð í Reykja­vík aðfara­nótt 7. októ­ber 2024. Stúlkan tók hluta sam­skipt­anna upp á far­síma sinn og reynd­ist upp­takan lyk­il­gagn við úrlausn máls­ins. Á henni heyr­ist mað­ur­inn ítrekað krefj­ast kyn­ferð­is­legra athafna þrátt fyrir mót­mæli stúlkunnar.

Dómurinn var kveð­inn upp 27. októ­ber síð­ast­lið­inn. Stingaciu var 24 ára þegar brotið átti sér stað en stúlkan aðeins 16 ára. Hún hafði þó sagt honum að hún væri að verða 18 ára.

Samkvæmt dóm­inum hafði stúlkan verið á gangi í mið­borg Reykja­víkur þegar hún rakst á mann­inn við bif­reið hans í nágrenni Klambratúns. Henni var kalt og bað um sígar­ettu og að fá að hlýja sér inni í bif­reið­inni.

Maðurinn bauð henni áfengi og hóf síðar kyn­ferð­is­lega til­burði. Stúlkan fékk slæma til­finn­ingu fyrir aðstæð­unum og hóf því hljóð­upp­töku í far­síma sínum.

Sagðist elska hana og krafðist munnmaka

Á upp­tök­unni, sem var tæp­lega tólf mín­útna löng, heyr­ast orða­skipti þeirra með skýrum hætti þrátt fyrir háværa tón­list í bak­grunni.

Þegar stúlkan spurði hvað mað­ur­inn væri að gera svar­aði hann meðal ann­ars:

„Because I love you. You are my girls.“

Skömmu síðar heyr­ist hann ítrekað segja:

„Suck it, suck it.“

Stúlkan svar­aði „I can't“ og tók ítrekað fram að hún væri of drukkin til að verða við kröfum hans.

Maðurinn lét sér þó ekki segj­ast og hélt áfram að þrýsta á hana. Meðal þess sem hann sagði var:

„Just put in your mouth, all, all.“

Síðar heyr­ist hann segja:

„A little bit, put in the mouth, put in the mouth, put in the mouth.“

Á upp­tök­unni heyr­ist stúlkan hósta og kúg­ast. Hún segir jafn­framt „I will throw up“, en mað­ur­inn heldur áfram að biðja hana um kyn­ferð­is­legar athafnir.

Hringdi í neyðarlínuna frá Reykjahlíð

Stúlkunni tókst að hringja í neyð­ar­lín­una á meðan hún var enn í bif­reið­inni. Á upp­töku sím­tals­ins heyr­ist hún ítrekað óska eftir að kom­ast heim.

Maðurinn svar­aði meðal ann­ars:

„I drive, I can drive you home.“

Stúlkan komst loks út úr bif­reið­inni og greindi grát­andi frá því að henni hefði verið nauðgað. Hún gaf upp stað­setn­ingu sína við Reykja­hlíð og óskaði eftir aðstoð lög­reglu.

Þegar lög­reglu­menn komu á vett­vang sat hún hágrát­andi á gang­stétt.

Maðurinn neit­aði upp­haf­lega að nokkur kyn­ferð­is­leg sam­skipti hefðu átt sér stað en breytti fram­burði sínum þegar honum var spiluð upp­takan.

Hér­aðs­dómur taldi fram­burð hans að veru­legu leyti ótrú­verð­ugan en frá­sögn stúlkunnar stöðuga og trú­verð­uga.

Dómurinn taldi sannað að mað­ur­inn hefði þvingað stúlk­una til munn­maka og sett fingur í leggöng hennar án sam­þykkis.

Við ákvörðun refs­ingar var meðal ann­ars litið til ungs ald­urs brota­þola og þess hversu ófyr­ir­leitin hátt­semin var. Var honum gert að sæta tveggja ára fang­elsi.