Sveitarstjóri rekinn eftir að upp komst um klámmyndagerð

Lars Eriksson, sveit­ar­stjóri í Jokkmokk í norð­ur­hluta Sví­þjóðar, hefur verið rek­inn úr starfi eftir að sænskir fjöl­miðlar greindu frá því að hann hefði fram­leitt klám­myndir og jafn­framt komið fram fyrir framan mynda­vél­ina.

Eriksson hafði starfað við fram­leiðslu og leik í klám­myndum frá árinu 2018 undir dul­nefn­inu „Hans“. Síðasta myndin sem hann tók þátt í mun hafa verið gefin út á þessu ári.

Samkvæmt fréttum fær Eriksson sex mán­aða laun í starfs­loka­samn­ing. Ákvörð­unin um að láta hann fara mun meðal ann­ars tengj­ast ótta við að hægt væri að beita hann fjár­kúgun vegna fyrri starfa hans.

Í skrif­legu svari til sænska rík­is­út­varps­ins SVT segir Eriksson að það að hann hafi svarað spurn­ingum mið­ils­ins um auka­störf sín sýni að hugs­an­leg fjár­kúg­un­ar­til­raun myndi ekki bera árangur.

Hann hefur áður sagt að starf­semin hafi verið lög­leg, þótt hún væri tabú, og að henni hefði lokið meira en tveimur árum áður en hann varð gjald­gengur til að gegna starfi sveit­ar­stjóra. Hann ætti því erfitt með að sjá hvernig hún ætti að hafa áhrif á störf sín.