Var boðið kókaín í Hollywood aðeins 11 ára gömul

Leik­konan Dafne Keen greinir frá því í hlað­varp­inu Inside of You að henni hafi verið boðið kókaín í Hollywood-veislum þegar hún var aðeins barn að aldri.

Keen er nú 21 árs en sló í gegn árið 2017 þegar hún lék stökk­breytta stúlk­una Lauru, einnig þekkta sem X-23, á móti Hugh Jackman í kvik­mynd­inni Logan. Hún var aðeins 11 ára þegar tökur á mynd­inni fóru fram og hún var frum­sýnd nokkrum mán­uðum eftir að hún varð 12 ára.

„Ég held að ég hafi aldrei orðið nógu drukkin til að fá timb­ur­menn. Ég hef mikla þörf fyrir að hafa stjórn á hlut­unum,“ sagði Keen við þátta­stjórn­and­ann Michael Ros­en­baum.

Hún segir reynslu sína sem barna­leik­kona hafa haft mikil áhrif á afstöðu sína til áfengis og vímu­efna.

„Ég varð vitni að svo miklu af þessu þegar ég var barn að ég hafði ein­fald­lega engan áhuga. Mér var boðið kókaín í loka­hófum eftir tökur. Ég var pínu­lítil, 11, 12 og 13 ára. Ég sá hvernig þetta var og hugs­aði bara: Ég hef engan áhuga á þessu. Sem betur fer sagði ég nei,“ sagði hún.

Keen seg­ist enn forð­ast bæði áfengi og vímu­efni, þrátt fyrir að vera orðin full­orðin. Hún geti vel skemmt sér fram undir morgun án þess að neyta nokk­urs.

„Ég þarf þetta ekki. Ég get farið út og verið úti til klukkan sex um morg­un­inn, alveg edrú. Mér finnst bara gaman að tón­list, dansi og fólki,“ sagði hún.

Hún við­ur­kennir þó að hafa stundum þurft að beita brögðum á ung­lings­ár­unum til að kom­ast hjá þrýst­ingi frá jafn­öldrum um að drekka.

„Ég laug stundum til að losna undan hóp­þrýst­ingnum. Sagði bara: Nei, ég er góð. Ég vil ekki drekka, ég er nú þegar búin að taka eitt­hvað. Og var svo blá­edrú. Ég var algjör fyr­ir­mynd­ar­stelpa,“ sagði Keen í léttum tón.

Eftir vel­gengn­ina í Logan fékk Keen aðal­hlut­verk í sjón­varps­þátt­unum His Dark Mater­i­als, sem voru fram­leiddir af HBO og BBC og stóðu yfir í þrjár þátt­araðir. Hún lék síðar í Star Wars-þátt­unum The Acolyte og fer með hlut­verk Artemis í þriðju þátta­röð Percy Jackson and the Olymp­i­ans. Hún sneri einnig aftur í hlut­verk X-23 í kvik­mynd­inni Deadpool & Wolverine.

Keen rifj­aði einnig upp sam­starfið við Hugh Jackman við tökur á Logan og sagði hann hafa reynst sér ein­stak­lega vel.

„Hann veitti mér mik­inn stuðn­ing og gaf mér mjög góð ráð. Hann var alltaf svo ynd­is­legur. Hann var besti mót­leik­ar­inn sem hægt hefði verið að óska sér og besti pabbi sem ég hefði getað fengið á skjánum. Hann var í raun eins konar föð­urí­mynd fyrir mig,“ sagði hún.

Hún bætti við að Jackman hefði gætt þess að eng­inn gengi of langt í kröfum til hennar sem barna­leikkonu, að hún skemmti sér við tök­urnar og yrði ekki vör við spennu eða ágrein­ing sem kynni að hafa verið bak við tjöldin.

„Hann var ótrú­lega vernd­andi og frá­bær,“ sagði Keen.