Margir Íslendingar ráku upp stór augu í sterka fyrirsögn á frétt á forsíðu Morgunblaðsins á mánudaginn sem hét „Löngu búnir að slátra henni“ og undirfyrirsögnin var „Heiðursofbeldi staðfest í dómi“ og fylgdi með mynd af Héraðsdómi Reykjaness.
Tókst henni að lokka margan til að fletta á blaðsíðu sex til að lesa um málið sem Stefán Einar Stefánsson skrifaði. Athygli vakti hins vegar að fréttin, sem var heil blaðsíða, var ekki ný heldur fjallaði hún um rúmlega tveggja ára gamalt dómsmál sem allir helstu fjölmiðlar landsins hafa fjallað ítarlega um.
Þó upprifjunin hafi að sumu leyti verið áhugaverð voru engar nýjar upplýsingar að finna og erfitt að sjá hvaða erindi fréttin ætti á forsíðu Morgunblaðsins. Mögulega spilar það inn í að dómsmálið fjallaði um föður frá Palestínu en ekkert liggur þó fyrir í þeim efnum ...
Athugasemdir