Rannsókn lögreglu á skemmdarverkum á nærri þrjátíu bifreiðum á Seltjarnarnesi er lokið. Karlmaður um þrítugt hefur játað að hafa staðið að verknaðinum.
Lögreglan á höfuðborgarsvæðinu hefur lokið rannsókn málsins en rúður voru brotnar í nærri þrjátíu bifreiðum við Nesveg, Kirkjubraut og Austurströnd aðfaranótt mánudagsins 2. nóvember.
Í tilkynningu lögreglu kemur fram að maðurinn hafi játað sök. Lögreglan þakkar jafnframt almenningi fyrir aðstoð við rannsóknina en henni bárust fjölmargar ábendingar vegna málsins.
Mannlíf greindi frá skemmdarverkunum á mánudag þegar lögregla óskaði eftir upplýsingum frá fólki sem gæti hafa orðið vart við grunsamlegar mannaferðir eða búið yfir myndefni úr eftirlitsmyndavélum eða bifreiðum.
Athugasemdir