Létu greipar sópa í Bónus, ELKO og Kids Coolshop

Tveir menn voru dæmdir í Hér­aðs­dómi Reykja­víkur í síð­ustu viku fyrir þjófn­að­ar­brot sem framin voru í Reykja­vík og Kópavogi. Annar mann­anna var jafn­framt sak­felldur fyrir umferð­ar­laga­brot.

Menn­irnir voru meðal ann­ars sak­felldir fyrir að hafa stolið vörum úr versl­unum Bónus, Krón­unnar og Kids Coolshop. Verðmæti þýf­is­ins var mis­mikið en í umfangs­mesta ein­staka þjófn­að­inum var um að ræða vöru að verð­mæti tæp­lega 170 þús­und krónur úr Kids Coolshop á Smára­torgi í Kópavogi.

Annar mann­anna var einnig sak­felldur fyrir þjófnað úr Bónus í Holta­görðum og ELKO í Skeif­unni, auk þjófn­aðar úr Krónunni í Jafn­a­seli. Hann var jafn­framt sak­felldur fyrir að hafa ekið bif­reið sviptur öku­rétt­indum og undir áhrifum ávana og fíkni­efna. Oxýkódon mæld­ist í blóði hans þegar lög­regla stöðv­aði akstur hans í Reykja­vík.

Báðir menn­irnir ját­uðu brot sín eftir að ákæru­valdið gerði breyt­ingar á ákærunni. Dómurinn taldi sannað með játn­ingum þeirra og rann­sókn­ar­gögnum að þeir hefðu gerst sekir um hátt­sem­ina.

Sá sem hlaut þyngri dóm­inn átti nokkurn saka­feril að baki. Dómurinn taldi brotin sýna ein­beittan brota­vilja og skeyt­ing­ar­leysi gagn­vart eigum ann­arra. Hann var dæmdur í þriggja mán­aða óskil­orðs­bundið fang­elsi og sviptur öku­rétti í þrjú ár.

Hinn mað­ur­inn var dæmdur í 45 daga fang­elsi fyrir þrjú þjófn­að­ar­brot. Refsing hans var skil­orðs­bundin til tveggja ára. Við ákvörðun refs­ingar var meðal ann­ars litið til ský­lausrar játn­ingar hans og þess að hann hafði ekki áður gerst sekur um þjófnað.