Kona á fimmtugsaldri hefur verið ákærð fyrir að auglýsa opinberlega að hún væri reiðubúin til að stunda kynlíf gegn greiðslu á alþjóðlegri vændissíðu.
Samkvæmt ákæru lögreglustjórans á Norðurlandi eystra birti konan auglýsinguna síðari hluta september 2025. Þar kom sérstaklega fram að hún væri stödd á Akureyri og tæki þar á móti viðskiptavinum.
Konan, sem er fædd árið 1980 og er því 46 ára, var handtekin á Akureyri 25. september 2025 í kjölfar auglýsingarinnar.
Málið verður þingfest í Héraðsdómi Norðurlands eystra í desember.
Þess er krafist að konan verði dæmd til refsingar og greiðslu alls sakarkostnaðar.
Athugasemdir