Reykjavík ætlar að snúa milljarðahalla í afgang á aðeins einu ári

Reykja­vík­ur­borg gerir ráð fyrir miklum við­snún­ingi í rekstri á næsta ári sam­kvæmt frum­varpi að fjár­hags­á­ætlun fyrir árið 2027 sem lagt verður fram í borg­ar­stjórn í dag. Áformin byggja þó á fjöl­mörgum for­sendum og verður að koma í ljós hvort þær stand­ast.

Samkvæmt útkomu­spá stefnir í 6,6 millj­arða króna halla á A hluta borg­ar­innar í ár. Nýr meiri­hluti gerir hins vegar ráð fyrir 2,8 millj­arða afgangi árið 2027. Gangi það eftir yrði við­snún­ing­ur­inn 9,4 millj­arðar króna á einu ári og verður for­vitni­legt að sjá hvort það tekst.

Til að ná mark­mið­inu er meðal ann­ars gert ráð fyrir að tekjur auk­ist um 5,6 pró­sent á meðan rekstr­ar­út­gjöld hækki aðeins um 3,7 pró­sent. Þá á hag­ræð­ing í mið­lægri stjórn­sýslu að skila 2,3 millj­örðum króna á árs­grund­velli, meðal ann­ars með fækkun um 130 stöðu­gildi.

Skuldir A hluta hafa nær tvö­fald­ast frá árinu 2021 og nema nú 195 millj­örðum króna sam­kvæmt til­kynn­ingu borg­ar­innar. Þrátt fyrir það er stefnt að því að hefja nið­ur­greiðslu skulda árið 2028.

Samhliða þessu hyggst borgin verja 23,6 millj­örðum króna til fjár­fest­inga á næsta ári. Þar verða leik­skólar, grunn­skólar, íþrótta­mann­virki og önnur grunn­þjón­usta sett í for­gang.

„Við­var­andi halli hefur verið á grunn­rekstri borg­ar­innar og inn­viða­skuldin hefur vaxið gríð­ar­lega. Við ætlum okkur að snúa þess­ari stöðu við strax á næsta ári með áfram­hald­andi hag­ræð­ingum og ábyrgri fjár­mála­stjórn. Við hyggj­umst jafn­framt hefja skipu­lega nið­ur­greiðslu skulda á kjör­tíma­bil­inu. Tiltekt í rekstr­inum er nauð­syn­leg for­senda þess að fjár­fest­inga­geta borg­ar­innar verði styrkt og að hér sé hægt að veita fram­úr­skar­andi þjón­ustu. Við ætlum að koma Reykja­vík í fremstu röð og ég er bjart­sýn á fram­haldið,“ segir Hildur Björns­dóttir borg­ar­stjóri um málið.