Inga Sæland
„Hrein og klár mannvonska og borgarstjórn til ævarandi skammar“
Inga Sæland
Innlent

Gréta María fer í mál við Samkaup

Innlent

Barna­nauð­gari gjald­þrota

Innlent

Aðskota­efni í kexi

Heimur

Orðrómur um staf­rænan heimsendi 17. nóv­em­ber vekur ótta

Innlent

Kven­fanga synjað um náðun þrátt fyrir alvar­leg veik­indi

Pólitík

Sig­mundur sak­aði rík­is­stjórn­ina um „dára­skap“ og Kristrún svar­aði fullum hálsi

Heimur

Svif­vængja­flug­maður lést í hörmu­legu slysi

Peningar

Lands­liðs­konur í ný störf

Pólitík

Segir flokks­menn Guðrúnar und­ir­búa mót­fram­boð gegn henni

Innlent

Fékk aldr­aðan mann til að selja rað­hús skömmu fyrir and­lát

Elís segist hafa tapað 100 milljónum í viðskiptum við fjárfesta

„Þetta er eins svört saga og hægt er“

Smáralind
Smára­lind Elís Árnason seldi kaffi­húsið Adesso og veit­inga­stað­inn Sport og Grill í Smára­lind árið 2024. Mynd: Heimar

Veit­inga­mað­ur­inn Elís Árnason seg­ist hafa tapað um 100 millj­ónum í við­skiptum við tvo fjár­festa.

„Þetta er bara altjón. Þetta átti nátt­úr­lega að vera líf­eyr­is­sjóður okkar og barn­anna en fór því miður út um glugg­ann.“

Þetta segir veit­inga­mað­ur­inn Elís Árnason í nýjasta þætti Þetta helst á RÚV. Þar lýsir hann því fjár­hags­lega tjóni sem hann seg­ist hafa orðið fyrir eftir að hann seldi fjár­fest­unum Helga Magnúsi Her­manns­syni og Jóhann­esi Birgi Skúla­syni kaffi­húsið Adesso og veit­inga­stað­inn Sport og Grill í Smára­lind árið 2024.

Elís, sem rak Adesso í rúm tutt­ugu ár og hafði áður rekið Sport og Grill og O´Learys í sama hús­næði, segir að hann hafi aðeins fengið lít­inn hluta kaup­verðs­ins greiddan. Hann hafi að lokum þurft að taka tug­millj­óna króna banka­lán til að greiða upp lán sem hvíldu á fyr­ir­tækj­unum og hann hafði geng­ist í per­sónu­legar ábyrgðir fyrir.

Elís seg­ist hafa tapað um 100 millj­ónum króna á við­skipt­unum. Kaup­end­urnir hafi átt að yfir­taka skuldir fyr­ir­tækj­anna en hann hafi setið eftir með þær án þess að fá kaup­verðið greitt.

„Þetta er eins svört saga og hægt er,“ segir hann.

Hann heldur því jafn­framt fram að fjár­fest­arnir hafi ekki staðið skil á virð­is­auka­skatti og greiðslum til líf­eyr­is­sjóða og vísar til þess að þeir séu til rann­sóknar hjá hér­aðs­sak­sókn­ara vegna þess­ara mála.

„Þeir byrja meira að segja strax að svindla og svíkja undan virð­is­auka og líf­eyr­is­sjóði vegna þess að þeir eru til rann­sóknar hjá hér­aðs­sak­sókn­ara fyrir einmitt þetta. Þeir eru ekki að borga neinar skatt­skyldur,“ segir Elís.

Bæði Adesso og Sport og Grill urðu gjald­þrota eftir að Elís seldi stað­ina. Hann hafði sjálfur starfað þar í um tvo ára­tugi, meðal ann­ars sem kokkur.

Elís segir slíka við­skipta­hætti ekki eiga að líð­ast hér á landi og að stöðva þurfi menn sem hann telur hafa hagað sér með þessum hætti. Hann seg­ist þó ekki ætla að láta fjár­hags­legt tjón ræna sig gleð­inni.

„Ég ætla alveg að brosa framan í heim­inn og hafa gaman. Þeir náðu af okkur pen­ingum en ég ætla ekki að láta þá ná góða skap­inu,“ segir hann.

Skiptastjóri vill Helga Magnús í atvinnurekstrarbann

Viðtalið við Elís kemur í kjöl­far frétta af fyr­ir­tækjum sem Helgi Magnús hefur tengst og farið hafa í þrot eða verið lokað af yfir­völdum.

Skipta­stjóri þrota­bús Veisl­unnar ehf., veit­inga­fyr­ir­tækis sem Helgi átti, hefur höfðað mál gegn honum fyrir Hér­aðs­dómi Reykja­víkur og krefst þess að hann verði settur í atvinnu­rekstr­ar­bann í þrjú ár.

Veislan varð gjald­þrota með 215 millj­óna króna skuldir. Skipta­stjór­inn Ólafur Björns­son lög­maður stað­festir að skiptum á búinu hafi lokið í haust og engar eignir fund­ist til að greiða upp í skuld­irnar.

Ákvæði um atvinnu­rekstr­ar­bann voru sett í lög árið 2022. Slíkt bann felur í sér að ein­stak­lingi er óheim­ilt að koma að rekstri félaga í þrjú ár, telj­ist hann ekki hæfur til að stýra félagi vegna skað­legra eða óverj­andi við­skipta­hátta.

Í síð­ustu viku inn­sigl­uðu Skatt­ur­inn og lög­reglan Ham­borg­arafa­brikk­una á Höfða­torgi. Móð­ur­fé­lag stað­ar­ins er skráð á rúm­lega tví­tugan son Helga og Jón Örn Jak­obs­son. Þeir tóku við rekstr­inum í mars og hafa því aðeins átt stað­inn í rúm­lega hálft ár.

Tengsl við 23 félög

Helgi hefur einnig tengst ham­borg­ara­staðnum Brixton við Tryggva­götu. Róbert Aron Magn­ús­son, betur þekktur sem Robbi Chronic, átti stað­inn áður en Helgi og Jón Örn tóku við honum í mars. Róbert segir enga greiðslu hafa komið fyrir við­skiptin heldur hafi þeir tekið yfir rekstur og skuld­bind­ingar stað­ar­ins. Brixton varð gjald­þrota skömmu síðar.

Helgi hefur ekki viljað veita frétta­stofu RÚV við­tal. Hann seg­ist ekki eiga Ham­borg­arafa­brikk­una, Nauta­fé­lagið eða Brixton, en við­ur­kennir tengsl við Litlu-Fabrikk­una. Hann hafnar því að tengsl séu á milli Litlu-Fabrikkunnar og Brixton, þótt stað­irnir séu í sama hús­næði við Tryggva­götu.

Samkvæmt hluta­fé­laga­skrá teng­ist Helgi nú ell­efu félögum, meðal ann­ars í veit­inga­rekstri, fast­eignum, dekkja­þjón­ustu, garð­yrkju og vöru­flutn­ingum. Söguleg gögn sýna að hann hefur í gegnum tíð­ina tengst alls 23 félögum, meðal ann­ars sem eig­andi og pró­kúru­hafi. Mörg þeirra hafa orðið gjald­þrota.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Loch Ness-skrímslið sést oftar í ár en í fyrra

Charles Paxton segir fjölda tilkynninga sveiflast milli ára. Dýr, bátsöldur, vindur og gróður geti skýrt það sem fólk telur sig sjá.
Innlent

Katrín varar við alvar­legri ógn gervi­greindar

Pólitík

Össur segir Viðreisn veikasta hlekk rík­is­stjórn­ar­innar

Heimur

Íran vísar á bug fréttum um áform um efna­vopna­árás í Banda­ríkj­unum

Peningar

Peningar

Prett­yboitjokkó stofnar fyr­ir­tæki með fyrrum lands­liðs­manni

Fyrirtækinu er ætlað að halda utan um fasteignir, útleigu og lánastarfsemi.
  • Peningar

    Danskur hag­fræð­ingur segir krón­una hafa verið mis­heppn­aða til­raun í heila öld

  • Peningar

    „Þetta er nú meiri vikan“

  • Peningar

    Tveir þekktir skyndi­bita­staðir inn­sigl­aðir að beiðni Skatts­ins

  • Peningar

    Segir hluta­fjár­út­boð Bláa lóns­ins ótíma­bært vegna eldsum­brota

  • Peningar

    Fyr­ir­tæki sem eig­in­maður Kristrúnar á hlut í orðið gjald­þrota