Sheila Mangubat, sem vakti athygli í raunveruleikaþáttunum 90 Day Fiancé, er látin, aðeins nokkrum dögum áður en hún hefði orðið 36 ára.
Fyrrverandi unnusti hennar, David Dangerfield, greindi frá andlátinu á Instagram. Hann sagðist hafa fengið fréttirnar frá fjölskyldu hennar og að Sheila hefði látist í gær á Filippseyjum.

„Það brýtur hjarta mitt að þurfa að deila þessum fréttum. Ég er miður mín og er enn að reyna að meðtaka þennan missi,“ skrifaði David í færslunni.
Bróðir Sheilu, Jonathan, birti einnig myndskeið frá útför hennar á Instagram-sögu sinni í dag . Nokkrum klukkustundum áður hafði hann birt myndskeið þar sem fjölskyldan syrgði hana við dánarbeð hennar.
David og Sheila hættu saman í október 2025 eftir að hafa verið í fjarsambandi um nokkurra ára skeið og glímt við erfiðleika vegna K-1-áritunar. Í júní 2026 greindi David þó frá því að þau væru aftur byrjuð saman.
Þau kynntust í Facebook-hópi fyrir einhleypa heyrnarlausa einstaklinga. Samband þeirra og trúlofun voru meðal annars til umfjöllunar í sjöttu þáttaröð raunveruleikaþáttanna 90 Day Fiancé: Before the 90 Days.
Sheila var 35 ára.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir