Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Innlent

Áttundi bekkur í ensku­tíma varð vitni að kyn­lífi starfs­manna

Pólitík

Hæddist að Snorra og Mið­flokknum í pontu

Innlent

Starfs­menn sagðir hafa stundað kyn­líf í skól­anum

Sport

Hver er Theodór Elmar?

Fólk

Stefán og Egill furða sig á kossa­hneyksl­inu í Haga­skóla

Innlent

Skóla­stjóri áréttar alvar­leika máls­ins eftir að myndir bár­ust

Innlent

Lög­reglan á Vest­ur­landi lýsir eftir 14 ára dreng

Heimur

Khloe Kar­dashian er demikyn­hneigð

Fólk

„Í dag eru tíu ár síðan ég varð fyrir nauðgun“

Pólitík

Sagði frá kær­leik­anum sem hún finnur á Alþingi

Nýtt lyf í töfluformi vekur vonir í baráttunni við briskrabbamein

Daraxon­rasib sýndi lof­andi árangur hjá fólki með útbreitt briskrabba­mein, en frek­ari rann­sóknir þurfa að leiða í ljós hversu lengi áhrifin vara.

Nýtt lyf
Nýtt lyf Daraxon­rasib sýndi árangur í rann­sókn á fólki með langt gengið briskrabba­mein. Frekari rann­sóknir þurfa að leiða í ljós hversu lengi áhrifin vara. Mynd: National Cancer Institute / Unsplash

Æxli hættu að stækka hjá 90 pró­sentum sjúk­linga í rann­sókn á nýju lyfi og hjá um átta pró­sentum hurfu þau alveg af mynd­grein­ingum. Sér­fræð­ingar tala um mestu fram­farir í með­ferð briskrabba­meins í ára­tugi, en vara jafn­framt við því að lyfið sé ekki lækn­ing.

Nýtt lyf í töflu­formi hefur vakið miklar vonir meðal krabba­meins­lækna eftir að nið­ur­stöður rann­sóknar sýndu að það gæti haft veru­leg áhrif á fram­gang briskrabba­meins, eins ban­væn­asta krabba­meins sem fólk getur greinst með.

Lyfið nefn­ist daraxon­rasib og var rann­sakað hjá 61 ein­stak­lingi með langt gengið briskrabba­mein sem hafði dreift sér til ann­arra líf­færa. Nið­ur­stöð­urnar sýndu að æxli hættu að stækka hjá 90 pró­sentum þátt­tak­enda. Hjá rúm­lega 60 pró­sentum minnk­uðu æxlin eða hurfu og hjá um átta pró­sentum sáust engin merki um æxli á tölvu­sneið­myndum.

Ári eftir að með­ferð hófst voru 76,6 pró­sent þátt­tak­enda enn á lífi. Til sam­an­burðar lifa að jafn­aði um 40 til 45 pró­sent sjúk­linga sem fá ein­göngu hefð­bundna krabba­meinslyfja­með­ferð í eitt ár.

Rann­sóknin stóð að með­al­tali yfir í 18 mán­uði. Hjá sumum sjúk­ling­anna hafði krabba­meinið ekki tekið sig upp aftur á þeim tíma. Frekari rann­sóknir þurfa þó að leiða í ljós hversu lengi lyfið getur haldið sjúk­dómnum í skefjum og hvort það geti leitt til langvar­andi sjúk­dóms­hlés.

„Það sem næst kemst lækningu“

Dr. Wungki Park, krabba­meins­læknir við Memorial Sloan Kett­er­ing Cancer Center í New York, kynnti nið­ur­stöð­urnar á alþjóð­legri ráð­stefnu um krabba­meins­rann­sóknir í Barcelona. Hann sagði að þetta væri „það sem næst kemst lækn­ingu“ og bætti við að hann hefði aldrei áður séð jafn mörg æxli hverfa hjá sjúk­lingum þar sem krabba­meinið hefði þegar dreift sér.

Hann sagði að nið­ur­stöð­urnar bentu ekki aðeins til þess að fleiri sjúk­lingar svör­uðu með­ferð­inni, heldur einnig að svör­unin væri meiri og sjúk­dóm­ur­inn héld­ist lengur í skefjum. Það gæti á end­anum skilað sér í lengri lífslíkum.

Banvænt krabbamein

Briskrabba­mein er eitt erf­ið­asta krabba­meinið í með­ferð og grein­ist oft ekki fyrr en sjúk­dóm­ur­inn er langt geng­inn. Um helm­ingur þeirra sem grein­ast deyr innan þriggja mán­aða og aðeins um þrjú pró­sent þeirra sem hafa fengið meinið í önnur líf­færi lifa í fimm ár.

Daraxon­rasib virkar með því að hamla ákveðnum stökk­breyttum próteinum sem stuðla að vexti krabba­meinsæxla. Slíkar stökk­breyt­ingar eru algengar í briskrabba­meini og vís­inda­menn telja að lyfið gæti einnig haft mögu­leika í með­ferð ann­arra krabba­meina.

Michelle Mitchell, fram­kvæmda­stjóri bresku krabba­meins­rann­sókna­stofn­un­ar­innar Cancer Research UK, sagði nið­ur­stöð­urnar marka mik­il­vægt fram­fara­skref fyrir fólk með briskrabba­mein.

Hún lagði þó áherslu á að frek­ari rann­sóknir væru nauð­syn­legar áður en hægt yrði að meta hvort lyfið hent­aði til almennrar notk­unar. Þrátt fyrir jákvæðar nið­ur­stöður væru lífs­horfur fólks með briskrabba­mein enn mjög slæmar.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Fjársterkir tölvuþrjótar taldir hafa ráðist á 1984
Innlent

Dæmdur í níu ára fang­elsi fyrir kóka­ínsmygl með Norrænu

Innlent

Talninga-Tómas verður Dómara-Tómas

Fólk

Sáttasex leysir ekki ágrein­ing­inn

Fólk

„Nið­ur­lægj­andi að smækka fólk niður í tölur“

Heimur

Breskir grínistar héldu leyni­lega lista yfir kyn­ferð­is­leg rán­dýr

Blaðamaðurinn Julia Raeside segir þekkta menn starfa áfram í skemmtanabransanum þrátt fyrir ásakanir um kynferðisbrot.

Setti bráð­skemmti­legt heims­met

Dauði og eyði­legg­ing eykst á Gaza þrátt fyrir vopna­hlé

Dán­ar­or­sök Sir Patricks Stewart stað­fest

Pólland rann­sakar óþekktan hlut sem féll úr lofti

Tvö alvar­leg umferð­ar­slys á sama veg­ar­kafla á Tenerife