Matvælastofnun varar við neyslu á Parle-G Orginal Gluco biscuits kexi sem Lagsmaður ehf. flytur inn vegna aðskotaefni sem fundust í vörunni. Fyritækið hefur í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarness (HEF), innkallað kexið.
Tilkynning um innköllun kom til Íslands í gegnum RASFF hraðviðvörunarkerfi Evrópu um hættuleg matvæli og fóður á markaði.
Ástæða innköllunarinnar er að tvö aðskotaefni, 3-mónóklórprópan-1,2-díól (3-MCPD) og glýsidýlfitusýruesterar (e. glycidyl fatty acid esters, GE), mældust yfir leyfilegum hámarksgildum.
Neytendur sem eiga umrædda vöru eru beðnir um að neyta hennar ekki, heldur farga henni eða skila henni í verslun Fiska.is, Nýbýlavegi 6, 200 Kópavogi.
Eingöngu er verið að innkalla eftirfarna framleiðslulotu:
- Framleiðsluland: Indland
- Framleiðandi: Parle Products Pvt. Ltd
- Vörumerki: Parle-G
- Vöruheiti: Parle-G Original Gluco Biscuits
- Nettómagn: 79,9 g
- Lotunúmer: LM00018430
- Best fyrir: 17.12.2026
- Geymsluskilyrði: Þurrvara
- Strikamerki: 8901719101045
- Dreifing: Varan var seld í verslun Fiska.is, Nýbýlavegi 6, 200 Kópavogi.

Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir