Aldursmismunun hjá lögreglunni undir stjórn Höllu Bergþóru

Lög­reglu­stjór­inn á höf­uð­borg­ar­svæð­inu braut gegn lögum um jafna með­ferð á vinnu­mark­aði þegar umsækj­anda um stöðu aðstoð­ar­yf­ir­lög­reglu­þjóns var mis­munað á grund­velli ald­urs árið 2023. Þetta kemur fram í úrskurði kæru­nefndar jafn­rétt­is­mála frá 29. októ­ber síð­ast­liðnum.

Halla Bergþóra Björns­dóttir, núver­andi rík­is­lög­reglu­stjóri, gegndi emb­ætti lög­reglu­stjóra á höf­uð­borg­ar­svæð­inu þegar ákvörð­unin var tekin.

Umsækj­and­anum var ekki boðið í síð­ara atvinnu­við­tal þrátt fyrir sjö til átta ára stjórn­un­ar­reynslu innan lög­regl­unnar. Sá sem hlaut starfið var tæp­lega tutt­ugu árum yngri.

Við mat á umsækj­endum fékk mað­ur­inn aðeins eitt stig af fimm mögu­legum fyrir stjórn­un­ar­reynslu. Embættið taldi reynslu hans of gamla til að vega jafn­þungt og nýlegri reynslu.

Kæru­nefndin taldi matið hvorki mál­efna­legt né for­svar­an­legt og gerði jafn­framt athuga­semdir við skort á gögnum um ráðn­ing­ar­ferlið.

Embættið við­ur­kenndi að stjórn­un­ar­reynsla manns­ins hefði átt að gefa fleiri stig en hafn­aði því að ald­urs­mis­munun hefði átt sér stað.

Þá kom fram að minn­is­blað um frammi­stöðu umsækj­and­ans hefði verið útbúið eftir að ákvörðun um ráðn­ingu lá fyrir.

Kæru­nefndin komst að þeirri nið­ur­stöðu að emb­ætt­inu hefði ekki tek­ist að sýna fram á að aðrar ástæður en aldur hefðu ráðið því að mað­ur­inn komst ekki áfram í ráðn­ing­ar­ferl­inu.