Lárus Heiðarsson, skógarbóndi og fyrrverandi oddviti Fljótsdalshrepps, var borinn til grafar á föstudag. Hann lést 28. október síðastliðinn eftir skamma en erfiða baráttu við bráðahvítblæði. Austurfrétt greindi frá andlátinu.
Lárus gegndi fjölmörgum trúnaðarstörfum fyrir Fljótsdalshrepp og sat í sveitarstjórn frá árinu 2010, fyrst sem varaoddviti og síðar oddviti. Hann kom einnig að mótun Svæðisskipulags Austurlands og var í stjórn Sambands sveitarfélaga á Austurlandi.
Hann var þekktur fyrir mikla þekkingu á skógum og skógrækt og var sérfræðingur meðal annars í skógarumhirðu, skógmælingum og vaxtarlíkönum. Margir nutu góðs af sérþekkingu hans á því sviði.
Samferðamenn lýsa Lárusi sem hreinskiptum, heiðarlegum og ljúfum manni sem lét sig samfélagið og fjölskylduna miklu varða.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Athugasemdir