„Mig bara langar ekki í saurgerlabað“

Ámundi Loftsson, fyrr­ver­andi sjó­maður og bóndi, segir sóða­skap í sund­laugum lands­ins hafa auk­ist veru­lega á und­an­förnum tveimur árum. Hann gagn­rýnir sér­stak­lega unga karl­menn sem fara í sund með nær­buxur undir sund­skýlum og þvo sér ekki með full­nægj­andi hætti áður en þeir fara ofan í laug­arnar.

Þetta kemur fram í aðsendri grein Ámunda á Vísi þar sem hann kallar eftir auknu eft­ir­liti með hrein­læti sund­lauga­gesta.

Ámundi skrif­aði grein um sama mál­efni fyrir tveimur árum en segir ástandið nú orðið enn verra. Hann lýsir því hvernig hópar ungra manna komi í sturtur sund­staða, bleyti sig rétt lít­il­lega og haldi síðan beint út í sund­laug eða heitan pott.

„Þetta ger­ist nán­ast án und­an­tekn­inga í hvert skipti sem ég fer í laug­ina í mínum heimabæ, Kópavogi og nú er svo komið að ég er hættur að fara í heita pott­inn. Mig bara langar ekki í saur­gerla­bað,“ skrifar Ámundi.

Hann telur hátt­sem­ina bæði óþrifnað og til­lits­leysi gagn­vart öðrum sund­lauga­gestum og hvetur rekstr­ar­að­ila sund­staða til að herða eft­ir­lit. Þá leggur hann til að hrein­læt­is­reglur verði gerðar sýni­legri og birtar á fleiri tungu­málum.

Mannlíf hefur áður fjallað um vandann

Mannlíf hefur á und­an­förnum árum ítrekað fjallað um notkun nær­buxna undir sund­fatn­aði og þau hrein­læt­is­vanda­mál sem henni fylgja.

Árið 2024 greindi Mannlíf frá því að Reykja­vík­ur­borg hefði ákveðið að setja upp stór skilti í bún­ings­klefum sund­lauga borg­ar­innar til að minna gesti á að óheim­ilt væri að fara í nær­buxum í sturtur og sund­laugar.

Árið áður ræddi Mannlíf við Árna Jónsson, þáver­andi for­stöðu­mann Laug­ar­dals­laugar, sem sagði skítugar nær­buxur vera við­var­andi vanda­mál í sund­laugum höf­uð­borg­ar­svæð­is­ins.

„Þetta er menn­ing hjá ungum drengjum,“ sagði Árni í við­tal­inu og bætti við að um væri að ræða drengi og unga menn á aldr­inum 14 til 27 ára.

Hann sagði jafn­framt að sumir héldu því fram að nær­bux­urnar væru hreinar en það breytti ekki þeirri stað­reynd að nær­buxur væru ekki við­ur­kenndur sund­fatn­aður.

Árni hafði einnig áhyggjur af áhrifum þessa á vatns­gæði sund­laug­anna.

„Ég hef verið að taka stöð­una á gæðum vatns­ins. Það er alveg heil­næmt, ennþá, vatnið en þetta hefur mjög slæm áhrif, mjög hratt, á heil­næmi vatns­ins,“ sagði hann.

Ámundi segir ljóst að frek­ari aðgerða sé þörf og telur meðal ann­ars að kenn­arar og starfs­fólk íþrótta­fé­laga geti lagt sitt af mörkum með því að ræða hrein­læti við börn og ung­menni.

Hann lýkur grein sinni með því að minna á mik­il­vægi íslenskrar sund­menn­ingar.

„Við Íslend­ingar megum vera stoltir af rót­gró­inni sund­staða­menn­ingu okkar. Látum hana ekki verða sóða­skap að bráð. Vilji er allt sem þarf.“