Nýtt trúfélag skráð á Íslandi

Alþjóð­legu kristnu trú­ar­sam­tökin Worldwide Mission­ary Movement hafa verið skráð sem trú­fé­lag á Íslandi. Þetta kemur fram í Lög­birt­inga­blað­inu.

Worldwide Mission­ary Movement eru alþjóð­leg kristin trú­ar­sam­tök sem til­heyra hvíta­sunnu­hreyf­ing­unni. Samtökin voru stofnuð í Púertó Ríkó árið 1963 af predik­ar­anum Luis M. Ortiz og eig­in­konu hans. Starf­semi þeirra á rætur að rekja til trú­boðs­starfs í Kúbu og Dóminíska lýð­veld­inu á fimmta ára­tug síð­ustu aldar.

Samtökin hafa síðan vaxið veru­lega og sam­kvæmt upp­lýs­ingum um starf­semi þeirra starfa þau í meira en 52 löndum. Á vegum þeirra eru hátt í 5.000 kirkjur og trú­boðs­starfs­stöðvar víðs vegar um heim­inn.

Á Facebook-síðu íslenska safn­að­ar­ins, sem nefn­ist Worldwide Mission­ary Movement of Iceland, er lögð áhersla á trúna á heilagan anda og áhrif hans á líf fólks.

„Við trúum því að kraftur heilags anda geti umbreytt lífi fólks og blessað fjöl­skyldur,“ segir í kynn­ingu safn­að­ar­ins í íslenskri þýð­ingu.

Með skrán­ing­unni hefur söfn­uð­ur­inn nú öðl­ast form­lega stöðu sem skráð trú­fé­lag hér á landi sam­kvæmt íslenskum lögum.

Trúfélag skráðWorldwide Mission­ary Movement, sem til­heyra hvíta­sunnu­hreyf­ing­unni, hafa nú verið skráð sem trú­fé­lag hér á landi.

Mynd: Worldwide Mission­ary Movement