Hundruð manna komu saman í Millennium Park í Chicago á sunnudag til að reyna að færa hið heimsfræga listaverk Cloud Gate, betur þekkt sem Baunin, um 18 sentímetra til vinstri.
Uppátækið hófst eftir að auglýsingum var dreift um borgina og á samfélagsmiðlum þar sem fólk var hvatt til að taka þátt í aðgerðinni.
Að baki uppátækinu lá gamansöm samsæriskenning um að maður væri fastur inni í listaverkinu. Skipuleggjendur héldu því fram að rannsóknir bentu til þess að leynileg lúga væri undir hægri hlið þess. Með því að færa listaverkið mætti hugsanlega opna lúguna og færa manninum súrar gúrkur og aðrar nauðsynjar.
Um 250 manns tóku þátt í að ýta á listaverkið, samkvæmt mati eins þátttakanda.
Skemmtikrafturinn Taylor Bennett lýsti upphaflega yfir sigri og sagðist telja að listaverkið hefði hreyfst lítillega. Síðar viðurkenndi hann þó að það hefði ekki hreyfst neitt.
Þátttakendur sögðu að tilgangurinn hefði fyrst og fremst verið að skemmta sér og efla samfélagsanda.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Athugasemdir