Egg og kynþáttaníð í alvarlegum ásökunum

Umræða um öku­mann dökkrar BMW bif­reiðar, sem sak­aður hefur verið um að kasta eggjum í bíla í umferð­inni, hefur blossað upp á nýjan leik í Facebook-hópnum Fávitar í umferð­inni. Fjöl­margir hafa tjáð sig um málið og segj­ast sumir hafa orðið fyrir barð­inu á öku­mann­inum. Maðurinn, sem hefur verið nafn­greindur í umræð­unni, hafnar hins vegar ásök­un­unum.

Umræðan hófst þegar Eyrún Lydía Sæv­ars­dóttir óskaði eftir Facebook-færslu sem hafði verið fjar­lægð og fjall­aði um ungan mann sem sagður var kasta eggjum í bif­reiðar í nágrenni Borg­ar­ness og birti hún í kjöl­fari mynd af bíl sem hafði orðið fyrir barð­inu á eggjakasti. Í athuga­semdum við færsl­una birt­ust upp­lýs­ingar um bif­reið­ina og full­yrð­ingar um að sami öku­maður hefði áður komið við sögu í sam­bæri­legum atvikum.

Mannlíf fjall­aði í sept­em­ber um mál Elínar Auðar Eyfjörð Ármanns­dóttur, sem varð fyrir því að eggi var kastað í bif­reið hennar úr öðrum bíl í Reykja­vík. Elín greindi einnig frá atvik­inu í Facebook-hópnum Fávitar í umferð­inni og birti mynd­skeið ásamt ljós­mynd af egg­inu á bif­reið­inni.

Elín tók þátt í nýju umræð­unni og sagð­ist þegar hafa til­kynnt atvikið til lög­reglu. Hún hvatti jafn­framt aðra sem hefðu lent í sam­bæri­legum atvikum til að gera slíkt hið sama.

„Vona að þau fari að taka þessum til­kynn­ingum alvar­lega ef fleiri fara að til­kynna sama ein­stak­ling­inn,“ skrif­aði hún.

Önnur kona lýsti því að dóttir hennar og frændi, sem bæði eru dökk á hör­und, hefðu orðið fyrir kyn­þátt­a­níði frá manni í sömu bif­reið á hrekkja­vöku. Sagði hún fjölda fólks hafa orðið vitni að atvik­inu.

Hafnar alfarið ásökununum

Maðurinn, sem var nafn­greindur í athuga­semd­unum, bland­aði sér sjálfur í umræð­una og hafn­aði því að hafa kastað hlutum í aðra bíla.

„Hafið þið í alvöru ekk­ert betra að gera með líf ykkar nema draga ein­hvern niður á Facebook og með enga sönnun fyrir því að ég hafi gert þetta,“ skrif­aði hann.

Nokkrir ein­stak­lingar sem tóku þátt í umræð­unni sögð­ust hins vegar hafa séð mynd­skeið sem sýndi atvikið, en í færsl­unni sem var eytt hafði verið birt mynd­band af atvik­inu, og ein kona sagð­ist hafa orðið vitni að því sjálf.

Maðurinn hélt fast við sak­leysi sitt og benti á að ekki væri hægt að greina skrán­ing­ar­númer bif­reið­ar­innar á þeim myndum sem birtar hefðu verið.

„Ég er ekki að fara að afsaka eitt­hvað sem ég gerði ekki,“ svar­aði hann þegar hann var hvattur til að biðj­ast afsök­unar.

Umræðan hefur verið hörð og hafa sumir hvatt til þess að mað­ur­inn verði lát­inn sæta afleið­ingum. Aðrir hafa bent á mik­il­vægi per­sónu­verndar og þess að láta lög­reglu rann­saka málið.