Knattspyrnumaðurinn fyrrverandi Jón Daði Böðvarsson og María Ósk Skúladóttir eiga von á sínu þriðja barni saman. Þau greindu frá gleðitíðindunum í sameiginlegri færslu á Instagram.
„One more blessing 💫 Due spring 2027,“ stendur í færslunni.
Fjölskyldan mun því stækka á næsta ári þegar þriðja barn hjónanna kemur í heiminn.
Gleðitíðindin berast aðeins þremur mánuðum eftir að Jón Daði tilkynnti að hann hefði ákveðið að leggja knattspyrnuskóna á hilluna, 34 ára að aldri.
Jón Daði átti farsælan feril sem atvinnumaður í Noregi, Þýskalandi og Englandi auk þess að leika 64 A-landsleiki fyrir Ísland. Hann tók meðal annars þátt í Evrópumótinu í Frakklandi árið 2016 og heimsmeistaramótinu í Rússlandi árið 2018.
Í kveðju sinni í ágúst þakkaði Jón Daði henni Maríu sérstaklega fyrir ómetanlegan stuðning í gegnum árin og lýsti henni sem sínum stærsta stuðningsmanni og bestu móður sem börn þeirra gætu óskað sér.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Athugasemdir