Lögreglan á höfuðborgarsvæðinu hafði afskipti af fimm ökumönnum sem grunaðir voru um akstur undir áhrifum vímuefna í gærkvöldi og nótt. Þetta kemur fram í dagbók lögreglunnar fyrir tímabilið frá klukkan 17:00 til 05:00.
Alls voru 49 mál skráð í kerfi lögreglunnar á tímabilinu og þegar dagbókin var tekin saman dvaldi einn einstaklingur í fangageymslu.
Tilkynnt var um minniháttar umferðarslys á Bústaðarvegi þar sem tvær bifreiðar lentu í árekstri. Annar ökumaðurinn fann fyrir vægum eymslum í kjölfar slyssins og var fluttur á bráðamóttökuna í Fossvogi til frekari skoðunar og aðhlynningar.
Lögregla hafði jafnframt afskipti af nokkrum ökumönnum vegna umferðarlagabrota. Meðal annars voru ökumenn sektaðir fyrir að aka með ljósabúnað í ólagi og fyrir að aka gegn rauðu umferðarljósi.
Þá sinnti lögreglan eftirliti með unglingadrykkju á svokölluðu Væli, sem á vegum nemendafélags Verzlunarskóla Íslands.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir