Nemendur fá ekki lægra en fjóra í lokaeinkunn

Nemendur sem útskrif­ast úr 10. bekk grunn­skóla vorið 2027 munu fá loka­ein­kunnir í tölum í stað bók­stafa. Ein­kunn­irnar verða gefnar á kvarð­anum fjórir til tíu og námund­aðar að næstu heilu tölu.

Þetta kemur fram í til­kynn­ingu mennta­mála­ráðu­neyt­is­ins um breyt­ingar á aðal­námskrá grunn­skóla sem hafa nú verið stað­festar.

Markmið breyt­ing­anna er að gera náms­mat skýr­ara, auka jafn­ræði milli skóla og veita nem­endum og for­eldrum betri upp­lýs­ingar um náms­ár­angur og hæfni.

Skólar eru jafn­framt hvattir til að nota ein­kunna­kvarð­ann einn til tíu við náms­mat á skóla­ár­inu, meðal ann­ars fyrir ein­stök próf og verk­efni.

Við útskrift verður hins vegar ekki hægt að fá lægri loka­ein­kunn en fjóra. Ráðu­neytið telur hvorki rétt­læt­an­legt né upp­byggi­legt að gefa grunn­skóla­börnum einn, tvo eða þrjá eftir heilan skóla­vetur.

Í til­kynn­ing­unni er lögð áhersla á að loka­ein­kunn end­ur­spegli heild­stæða hæfni nem­and­ans fremur en frammi­stöðu í einu prófi.

Loka­ein­kunnir munu því byggj­ast á mati á þekk­ingu, leikni og hæfni nem­enda yfir skóla­árið sam­kvæmt hæfni­við­miðum aðal­námskrár.

Við útreikn­ing loka­ein­kunnar verður stuðst við vegið með­al­tal ein­kunna fyrir ein­staka hæfni­þætti og nið­ur­staðan námunduð að næstu heilu tölu.