Kristinn Hrafnsson, ritstjóri Wikileaks, telur sterkar vísbendingar benda til þess að Ísrael hafi staðið að baki umfangsmikilli netárás á íslenska hýsingarfyrirtækið 1984. Hann segir að líklega fáist aldrei úr því skorið hverjir beri ábyrgð á árásinni.
Kristinn skrifar þetta í Facebook-færslu þar sem hann vísar til frétta um að tölvuþrjótar hafi skemmt sjö vefsíður sem tengjast stuðningi við Palestínu í árásinni á 1984.
„Sterkar vísbendingar eru núna um að hryðjuverkaríkið Ísrael hafi gert tölvuárás á íslenska innviði,“ skrifar Kristinn í upphafi færslunnar.
Hann segir sambærilegar vísbendingar áður hafa verið látnar nægja til að grípa til aðgerða þegar grunur hafi vaknað um að árásir kæmu frá öðrum ríkjum.
Kristinn gagnrýnir jafnframt framgöngu Ísraels á alþjóðavettvangi og segir ríkið vera eitt það hættulegasta í heimi um þessar mundir.
Hann vísar meðal annars til áhrifa Ísraels á stefnu Bandaríkjanna í hernaðarmálum og segir að stríðsrekstur gegn Íran ógni stöðugleika heimsins og efnahag ríkja. Þá varar hann við því að átökin geti einnig ógnað fæðuöryggi í heiminum.
„Eins og ég hef margítrekað liggur fyrir að þjóðarmorðingjarnir í Ísrael eru innan hættulegasta ríkis veraldar um þessar mundir, í ljósi þess hve létt þeim tekst að ana mesta herveldi heimsins út í hernað sem ógnar öllum stöðugelika heimsins og er árás á efnahag allra ríkja. Jafnframt er stríðsreksturinn gegn Íran ógn við fæðuöryggi í heiminum.“
Ekki liggja fyrir staðfestar upplýsingar um hverjir stóðu að baki netárásinni á 1984. Samkvæmt upplýsingum frá fyrirtækinu virðist árásin hafa beinst sérstaklega að vefsíðum sem sýna Palestínu stuðning. Sjö slíkar síður skemmdust áður en tekist var að stöðva árásarmennina.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.































Athugasemdir