Alls voru 147 mál skráð í kerfum lögreglunnar á höfuðborgarsvæðinu frá klukkan 17 í gær til klukkan fimm í morgun. Sjö einstaklingar voru vistaðir í fangageymslu þegar dagbók lögreglu var tekin saman.
Meðal verkefna lögreglu voru nokkur umferðarmál þar sem ökumenn eru grunaðir um akstur undir áhrifum áfengis eða fíkniefna og akstur án gildra ökuréttinda.
Lögreglan sem sinnir útköllum í Hafnarfirði og Garðabæ hafði einnig afskipti af einstaklingi sem grunaður er um fjársvik eftir að hann gat ekki greitt fyrir leigubíl. Málið er til rannsóknar.
Athyglisvert mál kom upp þegar tilkynnt var um hávaða innandyra til lögreglunnar á Hverfisgötu. Þar höfðu aðilar misst sig í tölvuleiknum Among Us og hiti færst í leikinn. Að sögn lögreglu var ekkert saknæmt við atvikið.
Þá bárust tilkynningar um foktjón vegna óveðurs, meðal annars bárujárnsplötur sem höfðu fokið af stað.
Lögregla sinnti jafnframt almennu eftirliti og ýmsum aðstoðarbeiðnum á tímabilinu.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir