Hrekkjavökuskemmtun fór úr böndunum í Kópavogi

Lög­reglan á höf­uð­borg­ar­svæð­inu hafði í nógu að snú­ast frá klukkan 17 í gær og fram til klukkan 5 í morgun. Alls voru 102 mál bókuð í kerfum lög­reglu á tíma­bil­inu og gistu fimm ein­stak­lingar fanga­klefa þegar dag­bókin var rituð.

Töluvert var um umferð­ar­laga­brot og voru alls 15 öku­menn hand­teknir vegna gruns um akstur undir áhrifum áfengis og eða ávana og fíkni­efna. Voru þeir fluttir á lög­reglu­stöð þar sem mál þeirra voru afgreidd sam­kvæmt hefð­bundnu verk­lagi.

Þá voru nokkrir öku­menn kærðir fyrir akstur án öku­rétt­inda, hraðakstur og önnur brot á umferð­ar­lögum.

Lögregla sinnti einnig nokkrum útköllum vegna minni háttar umferð­ar­ó­happa á höf­uð­borg­ar­svæð­inu en ekki kemur fram í dag­bók­inni að alvar­leg slys hafi orðið í þeim.

Einnig var lög­regla kölluð til vegna búð­ar­hnupls í verslun. Málið var afgreitt á vett­vangi.

Þá barst lög­reglu til­kynn­ing vegna hrekkja­vöku­skemmt­unar í Kópavogi sem hafði farið úr bönd­unum. Ekki kemur nánar fram í dag­bók lög­reglu hvað gekk þar á eða hvort lög­regla þurfti að grípa til frek­ari aðgerða.