Rússar undrandi á Þorgerði Katrínu

Rúss­neska sendi­ráðið á Íslandi seg­ist afar undr­andi á ummælum Þor­gerðar Katrínar Gunn­ars­dóttur utan­rík­is­ráð­herra á Alþingi í gær. Þar sagði hún færslu Ólafs Ragnars Gríms­sonar, fyrr­ver­andi for­seta Íslands, á sam­fé­lags­miðl­inum X alvar­legri en skrif Heimis Más Pét­urs­sonar, fram­kvæmda­stjóra þing­flokks Flokks fólks­ins.

Heimir Már hafði svarað færslu Emmanuel Macron Frakk­lands­for­seta og hvatt hann til að senda her­menn til Úkraínu og und­ir­búa kjarn­orku­vopn. Hann dró ummælin síðar til baka og baðst afsök­unar.

Þor­gerður Katrín ræddi málið í óund­ir­búnum fyr­ir­spurn­ar­tíma á Alþingi og vís­aði þar jafn­framt til þess að Ólafur Ragnar hefði deilt færslu Sergei Lavrov, utan­rík­is­ráð­herra Rúss­lands, þar sem NATO var gagn­rýnt. Sagði hún það mun alvar­legra en ummæli Heimis Más.

Rúss­neska sendi­ráðið brást við ummæl­unum á Facebook og sagð­ist afar undr­andi á sam­an­burði ráð­herr­ans. Að mati sendi­ráðs­ins mætti ráða af orðum hennar að hún teldi skrif Lavrov ógn­væn­legri en yfir­lýs­ingar hátt­setts starfs­manns stjórn­ar­flokks um kjarn­orku­vopn.

Sendi­ráðið sagði þó jafn­framt að orð Þor­gerðar Katrínar gæfu til­efni til var­legrar bjart­sýni.

Vísaði það þar til þess að utan­rík­is­ráð­herr­ann hefði með ummælum sínum stað­fest að íslensk stjórn­völd styddu ótví­rætt kjarn­orku­af­vopnun.