Vladimír Pútín Rússlandsforseti hótar hefndum fyrir árásir Úkraínumanna á Krímbrúna.
„Ég held að viðbrögð okkar verði mun sársaukafyllri,“ sagði Pútín á blaðamannafundi í Kína, þar sem hann er staddur ásamt forseta Kína og Bandaríkjanna.
Brúin, sem staðsett er á Krímskaga sem Rússar hafa hernumið, hefur sætt tíðum árásum undanfarna daga. Aðfaranótt þriðjudags hrundi hluti akbrautarinnar eftir að brúin varð fyrir árás úkraínskrar stýriflaugar.
Nú hótar Pútín hefndaraðgerðum vegna árásanna á Krímbrúna, að því er Sky News greinir frá.
„Ég held að viðbrögð okkar verði mun sársaukafyllri en það sem Kænugarður hefur gert við brúna,“ sagði Pútín eftir 90 mínútna fund með Donald Trump Bandaríkjaforseta og Xi Jinping, forseta Kína.
Á blaðamannafundinum í Kína sagði rússneski forsetinn að Rússar myndu „ekki semja“ eftir árásina.
Hann sagði jafnframt að brúin yrði endurbyggð.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.






































Athugasemdir