Drífa segir frjálst val í vændi oft vera blekkingu

Drífa Snædal, tals­kona Stíga­móta, gagn­rýnir útbreiddar mýtur um vændi og segir þær hafa áhrif á við­horf sam­fé­lags­ins og laga­setn­ingu. Í aðsendri grein á Vísi fjallar hún um algengar rang­hug­myndir og telur mik­il­vægt að leið­rétta þær.

Drífa hafnar þeirri hug­mynd að vændi sé starf eins og hvert annað. Hún segir valda­ó­jafn­vægi vera inn­byggt í vændi og bendir á að fátækt, ofbeldi, fíkn og skortur á öðrum tæki­færum hafi oft áhrif á stöðu þeirra sem selja vændi.

„Að kalla þetta „frjálst val" lítur fram­hjá þeim þáttum sem leiðir fólk út í vændi,“ skrifar Drífa.

Þá gagn­rýnir hún þá full­yrð­ingu að flest fólk í vændi hafi valið það af fúsum og frjálsum vilja. Að hennar mati sé nauð­syn­legt að horfa til félags­legra og efna­hags­legra aðstæðna fólks.

Segir bann við vændiskaupum skila árangri

Drífa vísar til rann­sókna frá Svíþjóð og Noregi sem hún segir sýna að bann við vændis­kaupum geti dregið úr umfangi vændis án þess að auka ofbeldi gegn þeim sem selja það.

Hún leggur jafn­framt áherslu á tengsl vændis og mansals og segir eft­ir­spurn eftir vændi skapa markað fyrir mis­notkun.

Að lokum varar Drífa við því að rang­hug­myndir um vændi geti orðið til þess að sam­fé­lagið horfi fram hjá þörfum brota­þolenda.

„Stígamót vinnur dag­lega með fólki sem ber vitni um að raun­veru­leik­inn er allt annar en mýt­urnar gefa til kynna,“ skrifar Drífa.