Þrjátíu og þriggja ára íslenskur maður, Jóhann Scott Sveinsson, hefur verið dæmdur í 18 mánaða fangelsi í Kanada fyrir vörslu og dreifingu barnaníðsefnis. Dómurinn var kveðinn upp við héraðsdómstólinn í Abbotsford í Bresku Kólumbíu 26. október.
Að fangelsisvistinni lokinni tekur við þriggja ára skilorðstímabil.
Jóhann játaði sök í tveimur ákæruliðum. Annar varðaði dreifingu barnaníðsefnis í júní 2022 og hinn vörslu slíks efnis í maí 2023. Hann tók ekki afstöðu til þriðja ákæruliðar sem varðaði meinta dreifingu efnis í janúar 2023.
Málið hefur verið lengi til meðferðar í kanadíska réttarkerfinu en játning Jóhanns lá fyrir í lok árs 2024. Honum var ekki gefið að sök að hafa sjálfur framleitt efnið heldur að hafa leitað að því á netinu, hlaðið því niður og dreift áfram í lokuðum hópum.
Jóhann flutti til Kanada árið 2019 ásamt eiginkonu sinni en hafði áður búið á Íslandi og starfað meðal annars við kvikmyndagerð.
Eftir að hafa verið yfirheyrður vegna málsins flutti hann ásamt fjölskyldu sinni frá Abbotsford til Stoney Plain í Alberta. Síðar sneri hann aftur til að svara til saka.
Kynferðisbrot
Geymdi milljón myndir og myndskeið af misnotkun eiginkonunnar
Ómenning að líta á kynferðisbrot sem „fórnarkostnað við skemmtun“
Myndir af neyðarmóttöku sendar áfram: „Ekki myndir sem ég vildi sjá af sjálfri mér“
Hrapa í stöðu skrímslisins
Menn sem eru sakaðir um ofbeldi krafðir svara
Athugasemdir