Geymdi milljón myndir og myndskeið af misnotkun eiginkonunnar

Karl­maður á sjö­tugs­aldri á Englandi byrl­aði eig­in­konu sinni og nauðg­aði henni ítrekað á um tveggja ára­tuga tíma­bili. Hann er jafn­framt sak­aður um að hafa boðið öðrum karl­mönnum að taka þátt í kyn­ferð­is­legu ofbeldi gegn kon­unni á meðan hún var með­vit­und­ar­laus.

Rétt­ar­höld yfir níu mönnum, sem sak­aðir eru um ýmis kyn­ferð­is­brot gegn kon­unni, hófust fyrir dómi í Manchester. Eig­in­maður kon­unnar hefur þegar játað fjölda brota en ekki er heim­ilt að nafn­greina hann þar sem það gæti leitt til þess að brota­þol­inn yrði auð­kenndur.

Louise Oakley sak­sókn­ari sagði fyrir dómi að lög­regla hefði fundið meira en eina milljón ljós­mynda og mynd­skeiða í síma og tölvu eig­in­manns­ins. Gögnin sýndu bæði ofbeldi hans sjálfs gegn eig­in­kon­unni og meint brot ann­arra manna gegn henni.

Að sögn sak­sókn­ara tók mað­ur­inn upp ofbeldið og deildi myndefni á inter­net­inu og í gegnum sam­fé­lags­miðla með öðrum mönnum sem deildu kyn­ferð­is­legum áhuga hans.

SímiLögregla fann meira en eina milljón ljós­mynda og mynd­skeiða í síma og tölvu eig­in­manns­ins, að sögn sak­sókn­ara.

Sumir hinna ákærðu eru sagðir hafa átt í sam­skiptum við eig­in­mann­inn um hvernig hægt væri að byrla kon­unni þannig að hægt væri að mis­nota hana kyn­ferð­is­lega.

Frá árinu 2023 er eig­in­mað­ur­inn sagður hafa gengið enn lengra og boðið mönnum heim til þeirra hjóna. Þar hafi hann tekið upp mynd­skeið af sjálfum sér og öðrum mönnum nauðga kon­unni á meðan hún var með­vit­und­ar­laus.

Oakley lýsti síma manns­ins sem eins konar játn­ing­ar­klefa. Þar hefðu fund­ist gögn um kyn­ferð­is­of­beldi og fantasíur sem næðu allt aftur til árs­ins 2004. Sak­sókn­ari sagði mann­inn hafa lifað tvö­földu lífi sem hefði verið falið á bak við virð­ing­ar­vert yfir­bragð.

^{Játningar og réttarhöld}

Eig­in­mað­ur­inn ját­aði í sept­em­ber um 60 kyn­ferð­is­brot gegn eig­in­konu sinni, þar á meðal að hafa gefið henni efni í þeim til­gangi að svipta hana getu til að veita mót­spyrnu.

Alls hafa hann og 13 aðrir karlar verið sak­aðir um að hafa lagt á ráðin um að mis­nota kon­una. Fjórir þeirra hafa þegar játað ýmis brot.

Níu menn, á aldr­inum 28 til 70 ára, neita hins vegar sök. Þeir eru meðal ann­ars ákærðir fyrir nauðgun, kyn­ferð­is­brot og sam­særi um að byrla kon­unni. Meðal hinna ákærðu eru leigu­bíl­stjóri, starfs­maður ráðn­ing­ar­þjón­ustu, starfs­maður bygg­ing­ar­vöru­versl­unar og hátt­settur heil­brigð­is­starfs­maður.