Einstök paradís úti á landi komin á sölu

Einstök eign að Kamba­stöðum í Ölfusi, skammt frá Hvera­gerði, hefur verið sett á sölu. Um er að ræða lög­býli á tveggja hekt­ara eign­ar­lóð þar sem gert er ráð fyrir fjórum húsum og fjöl­breyttum mögu­leikum til fram­tíðar. Ásett verð er 260 millj­ónir króna.

Á lóð­inni stendur 308 fer­metra ein­býl­is­hús sem byggt var árið 2021. Húsinu hefur verið skipt upp í þrjár aðskildar íbúðir, hverja með sér­inn­gangi, sem gerir eign­ina meðal ann­ars hent­uga fyrir stór­fjöl­skyldu eða útleigu.

Þá er 160,5 fer­metra skemma í bygg­ingu á lóð­inni. Gert er ráð fyrir að þar verði bíl­skúr eða verk­stæði auk fjög­urra her­bergja íbúðar. Samkvæmt fyr­ir­liggj­andi skipu­lagi er jafn­framt gert ráð fyrir tveimur húsum til við­bótar, ann­ars vegar yoga­sal og gróð­ur­húsi og hins vegar gesta­húsi.

Eignin býður upp á ýmsa mögu­leika vegna stærðar lóð­ar­innar, fjölda íbúð­ar­rýma og fyr­ir­hug­aðrar upp­bygg­ingar. Hún gæti meðal ann­ars hentað stór­fjöl­skyldu, ferða­þjón­ustu eða heilsu­tengdri starf­semi.

Kamba­staðir standa á fal­legum stað í Ölfusi, rétt fyrir utan Hvera­gerði. Stutt er í helstu þjón­ustu bæði í Hvera­gerði og á Selfossi auk þess sem um hálf­tíma akstur er að höf­uð­borg­ar­svæð­inu.