Lögreglan gerði mistök en íslenska ríkið sleppur við bætur

Albanskur rík­is­borg­ari sem var meinað að koma til Íslands í des­em­ber 2023 hefur tapað skaða­bóta­máli gegn íslenska rík­inu. Hér­aðs­dómur Reykja­víkur komst að þeirri nið­ur­stöðu að upp­haf­leg ákvörðun lög­reglu um að vísa mann­inum frá land­inu hefði ekki verið í sam­ræmi við lög, en að skil­yrði skaða­bóta­á­byrgðar væru engu að síður ekki upp­fyllt.

Dómurinn var kveð­inn upp 2. nóv­em­ber síð­ast­lið­inn.

Maðurinn kom til Kefla­vík­ur­flug­vallar frá Ítalíu 12. des­em­ber 2023. Við landamæra­eft­ir­lit taldi lög­regla hann ekki geta gert nægi­lega grein fyrir til­gangi heim­sókn­ar­innar. Hann sagð­ist ætla að skoða íslenska nátt­úru, hafði bókað gist­ingu og átti flug­miða til baka fjórum dögum síðar.

Lögregla taldi hins vegar skýr­ingar hans ófull­nægj­andi. Þá hafði sam­ferða­maður hans brota­feril á Íslandi, sem einnig hafði áhrif á ákvörðun lög­reglu.

Samkvæmt lög­reglu­skýrslu sýndi mað­ur­inn lög­reglu­mönnum Instagram-reikn­ing sinn og sagð­ist vera frægur í heima­landi sínu þegar hann var spurður hvort hann skildi ástæður frá­vís­un­ar­innar.

Honum var gert að halda sig á afmörk­uðu svæði flug­stöðv­ar­innar þar til hann yfir­gæfi landið. Lögmaður hans óskaði síðar eftir end­ur­upp­töku máls­ins og var ákvörð­unin aft­ur­kölluð næsta morgun. Hafði mað­ur­inn þá dvalið á flug­vell­inum í tæp­lega sól­ar­hring.

Maðurinn höfð­aði mál og krafð­ist við­ur­kenn­ingar á skaða­bóta­skyldu rík­is­ins vegna meintrar ólög­mætrar frels­is­svipt­ingar og fjár­hags­legs tjóns.

Hér­aðs­dómur taldi að upp­haf­leg ákvörðun lög­reglu hefði byggst á ófull­nægj­andi mati á svörum manns­ins.

Dómurinn taldi þó ekki sýnt fram á sak­næma hátt­semi lög­reglu sem gæti skapað bóta­skyldu. Þá hefði mað­ur­inn ekki verið frels­is­sviptur í laga­legum skiln­ingi, enda hefði honum verið heim­ilt að yfir­gefa Ísland.

Íslenska ríkið var því sýknað af öllum kröfum manns­ins og máls­kostn­aður felldur niður.