Katla stofnar fyrirtæki með móður sinni

Söng- og leik­konan Katla Þóru­dóttir Njáls­dóttir hefur ásamt móður sinni, Þóru Pét­urs­dóttur, stofnað nýtt félag sem ber heitið Hundraðp Takk slf. Félagið var skráð í hluta­fé­laga­skrá í októ­ber síð­ast­liðnum sam­kvæmt Lög­birt­inga­blað­inu.

Samkvæmt nýskrán­ingu félags­ins er til­gangur þess að sinna fjöl­breyttri list­rænni starf­semi, meðal ann­ars sviðs­listum, sviðs­fram­komu, upp­setn­ingu leik­sýn­inga og fram­leiðslu stutt­mynda og ann­ars myndefnis.

Þóra er skráð sem ábyrgð­ar­að­ili en Katla fer með pró­kúru­um­boð.

Katla er fædd árið 2002 og hefur þegar getið sér gott orð fyrir leik­list og söng. Hún er meðal ann­ars þekkt fyrir hlut­verk sín í kvik­mynd­inni Hjarta­steini og sjón­varps­þátt­unum Föngum, auk þess sem hún hefur komið fram í Vitjunum og kvik­mynd­inni Ljós­broti.