Bandaríski svifvængjaflugmaðurinn Giovanni Lopez lést á laugardag þegar hann féll til jarðar á akri í Plainfield í Illinois í Bandaríkjunum. Hann var 21 árs og hafði vakið athygli fyrir áhættusamar flugæfingar á svifvæng.
Samkvæmt Chicago Sun Times barst tilkynning um slysið klukkan 14:57 að staðartíma. Björgunarfólk fór á staðinn en Lopez var úrskurðaður látinn skömmu síðar.
Curtis Haley, vinur Lopez, sagði Daily Mail að hann og fleiri svifvængjaflugmenn hefðu oft reynt að ná í Lopez eftir að þeir fréttu af slysinu.
Haley sagðist hafa hringt 15 til 20 sinnum í vin sinn án þess að hann svaraði. Unnusta Haley fór að lokum á slysstaðinn og sá svifvæng Lopez á jörðinni.
Lopez hafði flogið á svifvæng frá því í maí 2025. Haley sagði hann hæfileikaríkan og reyndan flugmann en að óhöpp gætu alltaf orðið.
Ekki er enn vitað hvað olli slysinu.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir