Glúmur Baldvinsson
„Þetta verða löng málaferli“
Glúmur Baldvinsson
Fólk

Átta algeng mis­tök sem gælu­dýra­eig­endur gera

Heimur

Kenn­ingar uppi um að geim­skip hafi stöðvað flug­um­ferð í Banda­ríkj­unum

Innlent

Ísland sett í frystikist­una næstu daga

Innlent

Ald­urs­mis­munun hjá lög­regl­unni undir stjórn Höllu Bergþóru

Skoðun

Það er ekki nægur mennta­hroki á Íslandi

Innlent

Dómari fór í taug­arnar á borg­ara

Innlent

Ökumaður kærður fyrir að skilja bíl sinn eftir í lausa­gangi

Fólk

Hlýlegt heim­ili með grónum garði í Skerja­firði til sölu

Innlent

Egg og kyn­þátt­a­níð í alvar­legum ásök­unum

Innlent

Fór með EES pirr­ing­inn til umboðs­manns

Endurheimti sköpunarþörfina á Íslandi

Tón­list­ar­mað­ur­inn Gísli Krist­jáns­son hefur sent frá sér nýja plötu, Skeleton Crew, en 15 ár eru liðin frá því að síð­asta sóló­plata hans, How About That, kom út. Albumm hitti Gísla og byrj­aði að spyrja hvers vegna svona langur tími hafi liðið á milli platna.

„Ég hef oft reynt að hætta í tón­list en maður lækn­ast aldrei af þess­ari þörf fyrir að skapa, semja og skrifa, þótt auð­vitað geti alls konar hlutir sett strik í reikn­ing­inn, athygl­is­brestur, verk­kvíði og svona sem allir lista­menn þjást af,“ útskýrir Gísli, en tekur fram að hann hafi gefið út lög í milli­tíð­inni, svo sem Going On og Paper Bag sem fengu góða spilun í útvarpi. „Svo var ég allt í einu kom­inn með nokkur góð lög góð sem pössuðu vel saman og áttu erindi við umheim­inn. Þannig að ég gaf út þessa plötu, bara af því að mig lang­aði það. Það er ekk­ert flókn­ara en það.“

„Ég hef oft reynt að hætta í tón­list en maður lækn­ast aldrei af þess­ari þörf fyrir að skapa, semja og skrifa.“

Gísli segir að á meðan fyrsta platan hafi ein­kennst af lo-fi- og hip-hop-skírskot­unum snú­ist sú nýja meira um laga­smíðar og texta með vel inn­pökk­uðum einka­húmor. „Annars er þetta bara sama vit­leysan og alltaf, ég spila á öll hljóð­færin, tek upp og mixa; konan mín Elíza (Newman, úr hljóm­sveit­inni Kolrössu krókríð­andi) spilar á fiðlur og syngur bak­raddir í nokkrum lögum, dóttir okkar spilar á fullt af slag­verks­dóti og Birkir Rafn Gíslason spilar eitt geggjað gít­ar­sóló.“

Á samningi hjá EMI

Gísli hefur starfað mikið erlendis og var um tíma á samn­ingi hjá EMI UK. Spurður hvernig það hafi komið til seg­ist hann hafa samið lag, How About That, sem umboðs­fyr­ir­tæki sveitar sem hann var í, hafi lit­ist vel á. Hann fékk í kjöl­farið til­boð frá fimm stærstu plötu­fyr­ir­tækjum Bret­lands og var fljót­lega kom­inn á samn­ing hjá EMI. „Ég fékk að gera margt og lærði svo mikið og er þakk­látur fyrir það. En tón­list­ar­brans­inn getur verið eins og frændi sem var skemmti­leg­astur þegar þú varst lít­ill, svo þegar þú ert orð­inn full­orð­inn fatt­arðu að þetta heitir að vera alkó­hólisti,“ segir hann.

Fann ástina í London

Titillag plöt­unnar How about that naut vin­sælda í Evrópu og Banda­ríkj­unum og eftir þriggja ára tón­leika­ferða­lag var stefnan tekin á Los Angeles þar sem Gísli hljóð­rit­aði aðra plötu sína með upp­töku­stjór­anum Mickey Petralia sem þá hafði gert plötur með Eels, Peches, Dandy Warhols, Beck og fleiri stór­stjörnum. Eftir L.A. sneri hann sér að upp­töku­stjórnun og laga­smíðum fyrir aðra í London og vann meðal ann­ars með Duffy, Mick Jones (The Clash) og verð­laun­aða laga­höf­und­inum Cathy Dennis. Þar kynnt­ust þau Elíza og bjuggu saman úti þangað hún varð barns­haf­andi. Þá sneru þau aftur til Íslands en Gísli hafði þá búið erlendis í 20 ár. „Eftir heim­komu byrj­aði ég að hlusta á tón­list aftur mér til skemmt­unar og hætti að hugsa um hana sem vinnu og það varð til þess að ég end­ur­heimti þörf­ina fyrir að semja lög,“ segir hann.

15 ár eru liðin frá því að síð­asta sóló­plata Gísla, How About That, kom út.

Í dag búa hjónin á Höfnum á Reykja­nesi þar sem þau reka eigið stúdíó. Gísli segir að það sé algjör draumur að búa í sveit, sér­stak­lega þegar mann langi að koma ein­hverju í verk, eins og til dæmis að semja lög. En vinna þau mikið saman? „Já. Ég tek upp lögin hennar og spila á alls konar fyrir hana og Elíza spilar í mínum lögum sem virkar vel. Það er gott að hafa hana því hún er með meiri reynslu eftir allar sínar  plötur. Við höfum líka gengið í gegnum mikið af sömu hlut­unum á þessu brölti okkar þannig að við skiljum hvort annað vel.“

Spurður hvort hann ætli að fylgja plöt­unni eftir með tón­leika­haldi segir hann það ekki á döf­inni. „Kannski breyt­ist það ef ég er dug­legur og held áfram að gefa út efni sem fólki finnst skemmti­legt.“

Texti / Sigrún Guðjohn­sen
Mynd / Elíza Newman

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Íslend­ingar flykkj­ast á bóka­söfnin sem aldrei fyrr

Landsmenn verja nú að meðaltali 64 mínútum á dag í lestur og hlustun á bækur, fimm mínútum meira en í fyrra.
Innlent

Verð­munur á bök­un­ar­vörum nær 66 pró­sentum milli versl­ana

Slúður

Neyð­ar­kall Gunnars Smára

Heimur

Stærsta rann­sókn sinnar teg­undar sýnir að eft­ir­sjá vegna kyn­leið­rétt­ingar er afar sjald­gæf

Innlent

Barna­nauð­gari gjald­þrota

Menning

Menning

Ris og fall Krumma

Einn besti tónlistarmaður landsins á 21. öldinni
Menning

Laxness slær í gegn hjá The Guardian

Menning

Martröð í Mið­húsa­skógi

Menning

Dóttir.x til­nefnd til Music Moves Europe-verð­laun­anna 2027

Menning

Ein besta rapp­sveit Íslands­sög­unnar snýr aftur á svið

Menning

Kíkja í jóla­pakk­ann í Gerðu­bergi