Bar laun borgarstjóra saman við laun félagsmanna Eflingar

Félags­menn Eflingar sem starfa hjá Reykja­vík­ur­borg fjöl­menntu á bar­áttu- og sam­stöðu­fund í Iðnó í dag. Verkfall um 1.850 starfs­manna borg­ar­innar lögðu niður störf klukkan 12.30 í dag og stendur verk­fallið til 23.59.

Á vef Eflingar segir að „ríf­andi stemn­ing“ hafi ríkt á fund­inum. Sólveig Anna Jóns­dóttir, for­maður Eflingar, ávarp­aði við­stadda þegar dag­skrá hófst. Þá tók Bubbi lagið og félags­menn úr röðum Eflingar fengu tæki­færi til að lýsa kjörum sínum og hverju þau vilja ná fram í samn­ingum.

Að lok­inni dag­skrá gekk Efl­ing­ar­fólk yfir í ráð­hús Reykja­víkur. Þar hélt Sólveig Anna erindi og tal­aði meðal ann­ars um laun borg­ar­stjóra Reykja­víkur í sam­an­burði við laun almennra starfs­manna borg­ar­innar.

Sólveig skrif­aði færslu á Facebook í morgun um verk­fallið. Þar skrifar hún m.a.: „Við höfum svipt hul­unni af þeim raun­veru­leika sem hefur fengið að vaxa og dafna í borg­inni okkar, þar sem að full­vinn­andi fólk sem starfar við und­ir­stöðu­at­vinnu­greinar fær rétt nóg útborgað til að standa skil á leigu, þar sem að konur með ára­tuga starfs­reynslu fá 280.000 krónur útborg­aðar, þar sem að óvænt útgjöld gera það að verkum að ekki er til pen­ingur fyrir mat. Þetta eru stað­reyndir, óum­deil­an­legar, úr reyk­vískum raun­veru­leika. Við krefj­umst leið­rétt­ingar á kjörum okkar. Kröfum okkar er hægt að mæta með ein­földum hætti,”

Sjá einnig: Reikna með að 3.500 börn verði sótt í hádeg­inu