Vinsældir loðfelds fara sífellt minnkandi

Sem dæmi um hönn­uði og tísku­hús sem er hætt að nota ekta loð­feld eru Tom Ford, Gucci, Armani, Calvin Klein, Ralph Lauren Tommy Hilfiger og Vivienne Westwood.

Prada greindi frá því á Instagram að loð­feldur yrði ekki not­aður áfram í hönnun tísku­húss­ins. Við­brögðin létu ekki á sér standa og rúm­lega 50 þús­und manns hafa líkað við mynd­ina. „Takk. Þetta er risa­stórt skref í rétta átt fyrir dýrin,“ skrifar einn tísku­unn­andi í athuga­semd við mynd­ina. „Þetta er frá­bært. Það er engin þörf fyrir ekta loð­feld,“ skrifar annar. „Loksins! Vel gert.“

Þess má geta að verð á loð­feldi á heims­mark­aði hefur farið fallandi á und­an­förnum árum vegna minnk­andi vin­sælda. Þá var rekst­ar­árið 2018 til dæmis afar slæmt hjá íslenskum minn­ka­bændum.

„Þetta eru ekki léttir né ein­faldir tímar fyrir minka­bændur á Íslandi og eða minka­bændur í öðrum löndum. Við höfum ekk­ert hand­fast um hvað muni ger­ast á mörk­uðum næstu mán­uð­ina en allar fréttir sem ber­ast eru þó sam­hljóma um að veru­lega sé að draga úr fram­leiðsl­unni um allan heim. Við vitum að það þarf að ger­ast svo verðið á mark­aði hækki,“ var haft eftir Einari E. Ein­ars­syni, for­manni Sambands íslenskra loð­dýra­bænda, í Bænda­blað­inu í des­em­ber.

View this post on Instagram

As part of the #PradaGroup, #Prada has announced, in collaboration with the #FurFreeAlliance, that it will no lon­ger use animal fur in its designs or new products, star­t­ing with #PradaSS20 Women’s collections. #PradaGroupFurFree #FurFreeRetailer #Fut­ureofFas­hion #FurFree @lav_italia  @humanesociety @FurFreeRetailer

A post shared by Prada (@prada) on May 22, 2019 at 6:01am PDT