Már Gunnarsson hlýtur Kærleikskúluna 2019

Áslaug Arna Sig­ur­björns­dóttir var kynnir á athöfn­inni og systir hennar, Nína Kristín Sig­ur­björns­dóttir, sá um að afhenda hand­hafa Kær­leikskúl­unnar 2019 sína við­ur­kenn­ingu en Nína Kristín er meðal gesta Reykja­dals. Allur ágóði af sölu Kær­leikskúl­unnar rennur til starfs í þágu barna og ung­menna sem koma í sum­ar­búð­irnar Reykja­dal.

Bjöllukór Val­gerðar flutti ljúfa tóna og loks flutti hand­hafi Kær­leikskúlu árs­ins, Már Gunn­ars­son eitt lag.

Framúrskarandi fyrirmynd

Már Gunn­ars­son sund­kappi og tón­list­ar­maður er hand­hafi Kær­leikskúl­unnar 2019. Már er fram­úr­skar­andi fyr­ir­mynd og hefur stjórn Styrkt­ar­fé­lags lamaðra og fatl­aðra ákveðið að veita honum Kær­leikskúl­una í ár. Ólöf Nordal lista­kona gerir Kær­leikskúl­una sem heitir SÓL ÉG SÁ.

Allur ágóði af sölu Kær­leikskúl­unnar rennur til Reykja­dals, sumar- og helg­ar­búða fyrir fötluð börn og ung­menni.

View this post on Instagram

Nína og Áslaug afhentu hina árlegu Kær­leikskúlu á Kjar­vals­stöðum í dag. Allur ágóði Kær­leikskúl­unnar rennur fer í að styrkja sum­ar­búð­irnar í Reykja­dal. Már Gunn­ars­son, sund­maður sem stefnir óðum á Ólymp­íu­leika fatl­aðra í Tokyo 2020 tók við kúl­unni. Már er ekki bara góður sund­maður heldur tók hann lagið á píanó og söng frum­samið lag. Hæfi­leika­búnt sem vert er að fylgj­ast með! 🎄🎉

A post shared by Magnús Sig­ur­björns­son (@sigurbjornsson) on Dec 4, 2019 at 5:21am PST

Blindan engin hindrun

Árlega velur stjórn Styrkt­ar­fé­lags lamaðra og fatl­aðra hand­hafa Kær­leikskúl­unnar. Hún er veitt fram­úr­skar­andi fyr­ir­mynd fyrir störf í þágu fólks með fötlun. Már Gunn­ars­son er tví­tugur afreks­maður í sundi og tón­list­ar­maður. Það er álit stjórnar Styrkt­ar­fé­lags­ins að Már sé ein­stök fyr­ir­mynd. Hann er blindur en lætur það ekki hindra sig í að ná mark­miðum sínum. Þrátt fyrir ungan aldur er Már afrek­s­í­þrótta­maður og marg­faldur Íslands­met­hafi í baksundi í fötl­un­ar­flokki S11, flokki blindra.

Már sló tíu Íslands­met á heims­meist­ara­móti fatl­aðra í sundi í sept­em­ber auk þess sem hann vann til brons­verð­launa í 100 metra baksundi. Þá náði hann fram­úr­skar­andi árangri á íslands­móti Íþrótta­sam­bands fatl­aðra í 25 metra laug en hann var þrisvar á tíma sem er undir núgild­andi heims­meti. Már setur markið hátt, hann stefnir á að kom­ast á Ólymp­íu­mót fatl­aðra í Tókýó árið 2020 og ætlar sér að vinna til gull­verð­launa í 100 metra baksundi.

Már er einnig tón­lista­maður. Nýverið sóp­aði hann að sér við­ur­kenn­ingum á Söngvakeppni Lions­klúbbs­ins fyrir blinda sem haldin var í Póllandi. Már var í þriðja sæti í keppn­inni en hann sló í gegn meðal áheyr­enda og var val­inn vin­sæl­asti kepp­and­inn. Að auki fékk hann verð­laun frá Félagi frétta­manna í Póllandi. Már er ekki bara ein­stök fyr­ir­mynd fyrir íþrótt­menn með fötlun, heldur er jákvæðni hans og stað­festa eft­ir­tekta­verð og eitt­hvað sem allir geta til­einkað sér.

Ólöf Nordal og Kær­leikskúlan

Fingurnir skrifuðu Sólarljóð og hreyfðust aldrei síðan

Ólöf Nordal hefur skapað Kær­leikskúl­una SÓL ÉG SÁ. Verkinu fylgir þjóð­saga en Ólöf mun útskýra verkið nánar á Afhend­ingu Kær­leikskúl­unnar í dag. Hér er sagan sem fylgir verk­inu: Þegar Sæmundur fróði lá bana­leg­una og mönnum virt­ist hann and­aður hreyfð­ust á honum þrír fing­urnir á hægri hend­inni sem vildu þeir taka um eitt­hvað. Lengi voru menn í efa um hvað slíkt hefði að þýða; loks­ins voru ýmsir hlutir bornir að fingr­unum, en þeir héldu áfram að hreyfast þangað til þeim var feng­inn penni, þá beygði sig einn fing­ur­inn utan um hann; síðan var réttur pappír hinum fingr­unum, og beygði sig annar fing­ur­inn að honum; þá var nú sjálf­sagt að fá hinum þriðja blek­bytt­una. Eftir það skrif­uðu fing­urnir Sól­ar­ljóð og þegar þeim var lokið slepptu þeir rit­fær­unum og urðu mátt­vana og hreyfð­ust aldrei síðan.

Ólöf er afkasta­mik­ill lista­maður og eru verk hennar fjöl­breytt. Hún er höf­undur margra úti­lista­verka og minn­is­varða á opin­berum vett­vangi, má þar nefna Geir­fugl­inn í Skerja­firði, Vitid ér enn – eda hvat? í and­dyri Alþing­is­húss­ins, Brí­et­ar­brekku við Þing­holts­stræti og umhverf­is­lista­verkið Þúfu á Granda. Nú stendur yfir yfir­lits­sýn­ing í Lista­safni Reykja­víkur á verkum Ólafar. Titill sýn­ing­ar­innar er ÚNGL og spannar tæp­lega þrjá­tíu ára feril hennar. Ólöf hefur gefið Styrkt­ar­fé­lagi lamaðra og fatl­aðra Kær­leikskúl­una SÓL ÉG SÁ og allur ágóði af sölu hennar rennur til sum­ar­búð­anna Reykja­dals.

Kær­leikskúlan 2019

Ævintýri og ógleymanlegar minningar í Reykjadal

Sala Kær­leikskúl­unnar skipar stóran sess í fjár­öfl­un­ar­starfi Styrkt­ar­fé­lags lamaðra og fatl­aðra. Þetta er í sautj­ánda sinn sem félagið gefur út Kær­leikskúl­una en margir af fremstu lista­mönnum þjóð­ar­innar hafa lagt félag­inu lið með því að skapa lista­verk á gler­kúl­una.

Kær­leikskúlan SÓL ÉG SÁ kemur í versl­anir um land allt laug­ar­dag­inn 7. des­em­ber. Sölu­að­ilar kúl­unnar taka enga þóknun fyrir söl­una. Því rennur allur ágóði af sölu Kær­leikskúl­unnar óskiptur til sum­ar­búð­anna í Reykja­dal. Þangað koma fötluð börn og ung­menni alls staðar að af land­inu. Dvölin börn­unum og fjöl­skyldum þeirra afar mik­il­væg en mikið er lagt upp úr því að skapa ævin­týri og ógleym­an­legar minn­ingar hjá þeim gestum sem þar dvelja.

Fjölbreytt safn listaverka

Styrkt­ar­fé­lag lamaðra og fatl­aðra hóf útgáfu Kær­leikskúl­unnar árið 2003 og er SÓL ÉG SÁ því sautj­ánda kúlan. Úr er orðið fjöl­breytt safn lista­verka eftir marga af okkar þekkt­ustu lista­mönnum.

Fyrri lista­menn Kær­leikskúl­unnar eru Erró, Ólafur Elíasson, Rúrí, Gabríela Frið­riks­dóttir, Eggert Pét­urs­son, Gjörn­inga­klúbb­ur­inn, Hreinn Frið­finns­son, Katrín Sig­urð­ar­dóttir, Yoko Ono, Hrafn­hildur Arn­ar­dóttir, Ragnar Kjart­ans­son, Davíð Örn Hall­dórs­son, Ragna Róberts­dóttir, Sigurður Árni Sig­urðs­son, Egill Sæbjörns­son og Elín Hans­dóttir. Hægt er að nálg­ast eldri Kær­leikskúlur í net­versl­un­inni: www.kaerleikskulan.is