WAB verður Play

For­svars­menn félags­ins sem hingað til hefur gengið undir nafn­inu WAB kynntu áform sín á blaða­manna­fundi í Perlunni.

Stofn­endur félags­ins Arnar Már, for­stjóri, Þóroddur Ari með­eig­andi, Bogi Guð­munds­son og  Sveinn Ingi kynntu áformin.

Í upp­hafi fundar kom fram að rauður er þema­litur nýja flug­fé­lags­ins. Ástæðan er „ástríða“ og vísun í eld­gos. Nýja flug­fé­lagið heitir þá Play.

„Þemað skiptir gríð­ar­lega miklu máli,“ sagði Arnar Már.

Arnar fór yfir fókus nýja flug­fé­lags­ins. Þar nefndi hann: stund­vísi, ein­fald­leika, hag­stætt verð og gleði. „Við ætlum að vera á áætlun,“ sagði hann meðal ann­ars. „Við förum til útlanda til þess að leika okkur,“ bætti hann við.

Play mun fljúga nýlegum Airbus A320 vélum, um leigu­vélar er að ræða. Play er á loka­metr­unum í und­ir­bún­ing. Verið er að ganga frá flug­rekstr­ar­leyfi og ýmsum samn­ingum að sögn Arnars.

Gefa ekki upp nákvæma áfánga­staði að svo stöddu.

Vefsíðan FLYPLAY.com er heima­síða flug­fé­lags­ins Play. Áætla að hefja sölu flug­miða í nóv­em­ber.

„Við þurfum gríð­ar­lega mikið af starfs­fólki,“ sagði Arnar í svari við spurn­ingu blaða­manns og benti á að hægt er að sækja um starf hjá Play á vefnum.

María Margrét Jóhanns­dóttir, stýrði fund­inum en hún var áður verk­efna­stjóri á sam­skipta­sviði flug­fé­lags­ins WOW air.