Bænastund í Grindavíkurkirkju fyrir konuna sem slasaðist í brunanum í Mávahlíð

Það eru vin­konur Sólrúnar Öldu sem standa að bæna­stund­inni.

„Elsku vin­kona okkar hún Sól­rún Alda er að berj­ast fyrir lífi sínu og langar okkur vin­kon­unum að halda bæna­stund í Grinda­víkur­kirkju á morgun föstu­dag­inn 25.okt kl 20:30,“ segja vin­konur Sól­rúnar í skila­boðum sem þær hafa látið ganga á Face­book og hvetja þær til þess að fólk sam­ein­ist í kirkj­unni og sendi Sólrúnu Öldu og fjöl­skyldu hennar styrk á þessum erf­iða tíma.

Sjá einnig: Þrjú slösuð eftir bruna

Berst fyrir lífi sínu á sjúkrahúsi erlendis

Mannlíf greindi frá því fyrr í dag að tveir ein­stak­lingar væru mjög al­var­lega slas­aðir eftir brun­ann sem átti sér stað í íbúð í Máva­hlíð að­fara­nótt mið­viku­dags. Í til­kynn­ingu frá lög­reglu kemur fram að þrír aðilar á þrí­tugs­aldri, ein kona og tveir karlar, hafi verið fluttir á slysa­deild. Málið er í rann­sókn að sögn lög­reglu, en talið er að eld­ur­inn hafi kviknað í potti á elda­vél­ar­hellu.

Sólrún Alda var flutt á sjúkra­hús erlendis til frek­ari aðhlynn­ingar, þar sem hún berst fyrir lífi sínu. Á heima­síðu Grinda­vík­ur­bæjar kemur fram að Þórunn Alda Gylfa­dóttir móðir Sólrúnar Öldu segir ástandið mjög alvar­legt. Sólrún Alda væri í lífs­hættu og tekin væri ein klukku­stund í einu. Allar bænir myndu hjálpa.