Börnin sem eignast Samherja – Dagný Linda afreksskíðakona um árabil

Þor­steinn Már Bald­vins­son for­stjóri, og Kristján Vil­helms­son útgerð­ar­stjóri, aðal­eig­endur Samherja, hafa afsalað sér hluta­bréfa­eign sinni í Samherja hf. til barna sinna. Börnin sex halda því á 84,5 pró­senta hlut í fyr­ir­tæk­inu. Mútumál Samherja tengt Namibíu er enn til rann­sóknar hjá emb­ætti hér­aðs­sak­sókn­ara, en hefur taf­ist vegna COVID-19 heims­far­ald­urs­ins.

Mannlíf skoðar hverjir sex­menn­ing­arnir eru sem halda nú um stjórn­ar­taumana í einu stærsta og valda­mesta fyr­ir­tæki lands­ins. Samkvæmt heim­ilda­manni Mannlífs sem þekkir til systk­in­anna eru þau öll jarð­bundin og hörku­dug­leg í því sem þau hafa tekið sér fyrir hendur.

Dagný Linda Krist­jáns­dóttir. Mynd / vefur Sál­fræði­þjón­ustu Norð­ur­lands

Dagný Linda – Afreks­skíða­kona um ára­bil   10,375 % /  7,3-8,6 millj­arðar kr.

Dagný Linda Krist­jáns­dóttir er fædd 1980 og var ein fremsta skíða­kona lands­ins um ára­bil, en árið 2008 lagði hún skíða­skóna á hill­una vegna meiðsla. Dagný Linda keppti á 316 alþjóð­legum mótum í þrettán þjóð­löndum, tók þátt í tvennum Ólymp­íu­leikum, þremur heims­meist­ara­mótum, rúm­lega 30 heims­bik­ar­mótum og um 40 Evr­ópu­bik­ar­mótum. Hún var 18 sinnum Íslands­meist­ari á skíðum, var sjö sinnum valin skíða­kona árs­ins og þrisvar Íþrótta­maður Akur­eyrar.
Í júní 2013 útskrif­að­ist hún með BS-próf í iðju­þjálf­un­ar­fræði við Háskól­ann á Akureyri og hlaut  heið­ursverð­laun Góðvina HA. Hún starf­aði sem iðju­þjálfi hjá Öldr­un­ar­heim­ili Akur­eyrar – Lög­manns­hlíð í fimm ár og sinnti stunda­kennslu við Háskól­ann á Akureyri. Í dag starfar hún hjá Sál­fræði­þjón­ustu Norð­ur­lands þar sem hún er með nám­skeið, fyr­ir­lestra og ein­stak­lings­tíma með það að marki að ýta undir virkni og þátt­töku og auka lífs­gæði barna/ung­menna/full­orð­inna í dag­legu lífi heima fyrir og úti í sam­fé­lag­inu.
Dagný Linda býr á jörð­inni Hólshús II í Eyja­firði ásamt eig­in­manni og fjórum börnum þeirra, eign­ina keyptu þau árið 2007 og þar er hesta­mennskan í hávegum höfð.

Sjá einnig: Afsal hluta­bréfa í Samherja – Stærsta sum­ar­gjöf Íslands­sög­unnar

Sjá einnig: Börnin sem eign­ast Samherja – Baldvin erfða­prins­inn 

Sjá einnig: Börnin sem eign­ast Samherja – Katla sjálf­stæður sjúkra­nudd­ari   

Sjá einnig: Börnin sem eign­ast Samherja – Halldór Örn bíl­stjór­inn 

Sjá einnig: Börnin sem eign­ast Samherja – Katrín öflug afreks­kona

Sjá einnig: Börnin sem eign­ast Samherja – Kristján Bjarni með tækn­ina á hreinu 

Lestu úttekt­ina í helg­ar­blað­inu Mannlíf.

Lesa Mannlíf