Aðgerðirnar hafa skilað árangri og færri sjúklingar bíða

Síðan aðgerðum sem emb­ætti land­læknis lagði til að hrint yrði í fram­kvæmd vegna alvar­legrar stöðu á bráða­mót­töku Land­spít­al­ans var fram­fylgt hefur staðan batnað. Nú bíða nokkru færri ein­stak­lingar á deildum spít­al­ans vegna útskrift­ar­vanda en þegar úttektin var gerð er fram kemur í grein á vef Stjórn­ar­ráðs­ins.

Embætti land­læknis réðst í gerð hluta­út­tektar á bráða­mót­tök­unni í des­em­ber 2018 vegna ábend­ingar um að mikið álag á mót­tök­unni ógn­aði öryggi sjúk­linga. Í úttekt­ar­sýrslu kom fram að ekki eru til neinar skyndi­lausnir til að laga ástandið en emb­ættið kom með til­lögur yfir leiðir til að bæta það. Skýrsl­una má lesa í heild sinni hérna.

Ábendingar í níu liðum

Ábend­ing­arnar til heil­brigð­is­ráðu­neyt­is­ins voru í níu liðum og sneru einkum að því að efla þjón­ustu við aldr­aða, bæði með fjölgun hjúkr­un­ar­rýma og jafn­framt með auk­inni heima­hjúkrun, fjölgun dagdval­ar­rýma og áherslu á heilsu­efl­ingu aldr­aðra. Einnig er í ábend­ing­unum fjallað um aðgerðir til að efla mönnun, sér­stak­lega í störfum hjúkr­un­ar­fræð­inga og sjúkra­liða og um sér­hæfða heima­þjón­ustu við veika aldr­aða.

Í skýrsl­unni segir m.a.: „Sá vandi sem hér um ræðir er aðal­lega til­kom­inn vegna tveggja þátta eins og áður hefur verið rætt, það er skorts á hjúkr­un­ar­rýmum og und­ir­mönn­unar, ekki síst meðal hjúkr­un­ar­fræð­inga og sjúkra­liða. Þessi vandi hefur verið til staðar um nokkurn tíma og áður verið bent á hann. Gripið hefur verið til marg­vís­legra aðgerða til mót­vægis, bæði af hálfu Land­spít­ala og stjórn­valda. Nú er svo komið að vand­inn er af þeirri stærð­argráðu að við þetta ástand verður ekki unað. Það getur skapað jarð­veg fyrir óvænt atvik og hættu á frekara brott­fall starfs­fólks.“

Í grein­inni á vef Stjórn­ar­ráðs­ins kemur fram að tek­ist hafi að fjölga hjúkr­unar- ög dagdval­ar­rýmum tölu­vert á nýliðnu ári og hafi það bætt ástandið svo um munar.

„Þetta er langhlaup“

Svandís Svav­ars­dóttir heil­brigð­is­ráð­herra segir vandan ekki verða leystan með einni aðgerð. „Við leysum ekki vanda bráða­mót­tök­unnar með einni aðgerð. Þetta er lang­hlaup þar sem mark­viss og við­var­andi vinna, útsjóna­semi og fram­sýni er lyk­ill­inn að árangri. Mönn­un­ar­vand­inn er þar meðal stórra verk­efna og enn frek­ari efl­ing heilsu­gæsl­unnar sem fyrsta við­komu­staðar fólks í heil­brigð­is­kerf­inu sömu­leiðis“ er haft eftir Svandísi.